املأ قلبك

أملأ قلبك بالوطن ... بالصُّغارْ
قومة العمال دَغَش ... بالنّضارْ
المزارعية الغُبُش .. بالجنود الوين تخش في سبيلك كالنهارْ
بالمداد الما بيغُش .. بي وتر جاء من الجحيمْ
أملأ قلبك بالنسيمْ
ملِّي بالطير الرطنْ
طيبة والعالم قديم ... ينسى كالريح ... المحنْ
خلِّي بالَك مستقيم دغري وإن مال الزمنْ
راحل الليل البهيم والبصيرات ما عِمَنْ
الظروف الليلي أبن ... طيبة لا خوف لا حزنْ
باكر التِّقْيات تنورق وتنملي الضرعات لبنْ
طيبة يا صمت الحنين كلما طفاهو همْ
لا في آهة ولا أنين لا بيروع ليح ودمْ
من مرارات السنين من عصارات الألْم
بيمرق الشوق الدفين بي كعنكيل العشمْ
احكي ليك يا طيبة حكوة
ذات زمان من ضيق وقسوة
وكل يوم من بارحو اسوأ
والمراحات قاطي قطْ
فجأة في قلب السماء ... غيمة غيمتين .. غيم ربطْ
كتمة حتى الطين عِرِقْ
والشجر قرب يَبِقْ
إلا يا طيبة الخَلِقْ ... من بدل تفرح تَنِقْ
الشِّكايات ... السخط .. لا السُّحب دارت تَصُبْ
لا الهبوب داير تَهُبْ
نسمة نسمة آ رب هبوبكْ
من شمالك من جنوبكْ
الهبوب يا رب هبوبكْ
من شروقك من غروبكْ
من تحت من فوق هبوبكْ
كتمة كتمة معاها ضيقة
نسمة يا رب الخليقة
سكت الأطفال دقيقة
نبكي خش آ حول في حول ...
ظاهر الحال ماهو مخفي ....... وقولنا فيك ما فيهو قول
نسمة كل راس ساعة تكفي ....... نسمة واحدة لألف زول
ينطلي الجو بالَحمَارْ
فجأة من حر لي غبارْ
الطشاشات الدّوارْ
السبابات النِّقارْ
نقة الضيق تنطلقْ
قلنا فاقت باتت أزحمْ ...
الغبار من كتمة أرحمْ ...
أرحم الحر البيلحم ... لا ده لا ده ولا فرق
طيبة تمي الحكوة قولي
الصّبرُ خلقوهو هولي
الزمن يقسى ويَرِقْ .. وانتي يا كتمات تطولي
اليطول بال الخلق .. طَرِّقْ الغنوات يا زولي
عدّ فات الريح شَرِقْ من بعد ما جاب سحاب
من بعد قشّ التراب ... مشط القش والشجر
رجّع الطير للوكرْ
ها البرق شال البرق .. الرعد ريحة الدعاش
ابشروا بالخير نقطت أي والله المطر

في ساحة الشعر

لولا مدامع عشاق ولوعتهم
لبان فى الناس عز الماء والنار
فكل نار فمن أنفاسهم قدحت
وكل ماء فمن دمع لهم جارى




لعل انحدار الدمع يعقب راحتة
من الوجد أو يشفى لحى بلابل





الدمع فى العين لا نوم ولا نظر
ولا محالة من معنى له خلقا
ولم اجد ذلك المعنى وحقكما
الا البكاء اذا ما طرق طرقا



ابك فمن انفع ما في البكا
ان البكا للحزن تحليل
وهو اذا انت تأملته
حزن على الخدين محلول




قد شفيت غليلى
بما استدررته
من اسراب الدموع المتجبره




نبض الأحاجي
ودرب الغنا
سكة الفرح المشحتفة
غير وجودك
مراسيل الهوى التاهن
إليك وِدرَن
وشوقي أنا..
متاريس الوصول
وزحمة مشاغلك
واجباتك تجاه عش الهنا..
عبقك وكتين توالي البسمة منك
ورنة الضحكات
وطلة عيون منك
برق لاحت هنا..
مشاوير الغرام
تلافينك
مزاد حبي وتواريخو
الشايلو من كمين سنة..
همسك..
رسايلك..
مواظبة الحضور جواي
برغم بعادك القرّب دنا..
وجودك ذاتو..
رحمة تعُم
حنانك ذي حنان الأم
وعشقك
ذي عشق وطناً
إلينا يضم
وريدك لي كأني جنى
............
هواك ماسك عصب حسي
ومرتبني
قدر ما أقول غنا
واكتب شعر
ألقاهو في وصفك قليل
يا سر حياتي
ولهفة الشوق والمنى..
يا منقوشة في جواي عشق دافي
يا ساكنة في حرف القوافي
إنت يا ريدي الخرافي
جوايا غيرك تاني مافي
يا جهمورة الليل والسنا..
إنسكب في الجوف هواك
إندلق فيضك دميرة
بتقت جواي نواك
وأنا..
أنا لسة مليان اندهاش
جوطة حواس
بحر ارتباك
يا سوسنة..
مشتاق أنا..
يا معلبة الكون بي ضياك
ومغموسة في حاسة نسيم وزع شذاك
عطّر مسامي وانسرب
جوة في روحي المعاك
يا سماك..
ملت نجومي الانتظار
لمتين بننهل من لماك
لمتين اضمك لي انا..
لمتين غناي يصبح حقيقة
ونوصل حدود الإشتهى
وانهل معاك ولو دقيقة
غفل الزمن عنّا وسهى
وتنفعل فيك الاحاسيس الرقيقة
في لحظة ما ليها انتها
واشعر معاك بي حبنا..
ست البنات..
أتبني الشوق وصل لي وين
وقصة فراقك ماها باليدين
ولو بايدي..
أحلف بي كتاب الدين
اختّك تاج علي راسي
وأكمّل بيك نصف الدين




شفتها باجمل صورها الجادل
المزيونـــه.....كل شـــــي بان منها بالجمال ينـــــــــــادي
الحور من عينها رمح شــــــكيت طعونه.....والخجل في خدها وردي وعطره كـــــادي
رمشها يظرب بحد الخنجر المســـــنونه.....اعربــــــــيه والجمال الي بها بغـــــــــدادي
لعن ابوها قتل الانفــــــس عندها ياهونه.....هرجها اعذب ما سمعت ومنه جرحي زادي
في شفايفها ورودن بالشــــــــهد مدهونه.....لو سقت منها الشـهيد يســل ســـــيفه عــادي
حركت بين الضلوع الجمــــره المدفونه.....من لهبها في ضلوعي يغلي البــــــــــــرادي
رقصت قلبن منول ما تهز ركونـــــــــه.....والله اني قبلها رايـــق وجــــوي هـــــــــادي
قلت كفي عن عذاب الروح يامفتــــونه.....ولحظتني بالعيون الســـــود قالت عــــــــادي
مرحبا بك في محيط العالم المجــنونــه.....واعتبر نفســـــك مثل غيرك قتيل عنـــــــادي
النهايه كلبدايه قصة مظمــونــــــــــــه.....مثل يومنا تلاقينــــــــــــــا بلا ميعـــــــــــادي
والله اني عارفن ســــــــــلم الهوى وفنونه.....جيت بتبعها وناداني ظمــــــــيري غــــــــادي
قلت روحي يافتاه ارواحنا مديونــــــه.....حافظين الســـــــنه اللي ســــنها النا الهــــادي
بين عادات الجدود وسنة مســـــــنونه..... طيب عطرك ما يغير في طيب اجــــــــدادي
قالت اتبع من يحطك في سواد عيونه.....قلت انا يابنت في الغــــربه ســــفير بـــــلادي

كنز السودان 5

النوبة ليست سلاله زنجية ولا عربية ..والنوبة هي سلالة قائمة بذاتها وهي من انبل السلالات التي مرت علي الارض وفيها اعظم الحضارات هي حضارة كوش واول مملكة ظهرت بعد الطوفان مباشرة هي مملكة كوش واول ملك يرى فيها هو النمرود بن كوش بن حام بن نوح فالسلالة النوبية كانت سلالة واحدة فسلالة نوبة السودان هي امتداد لسلالة نوبة مصر فدخلت عليهم السلالات الزنجية الاسلامية والاروبية عبر التزاوج فتمازجت هذه السلالات وكونت هذه السلالات التي نراها اليوم ..فالنوبة يعتبر خيلان لكل القبائل التي تمازجت معها فاذا نظرنا الي الاثار والحضارات الموجوده في السودان القديم ومصر نجدها حضارة النوبة كما نجد البلاد التي تسيطر عليها الممالك النوبية نجدها من المحيط الاطلسي الي حدود الهند والي افريقيا


وكتب الكاتب النوبي في كتابه عن انتشار اثار ممالك النوبة العظيمة عدة دول غير مصر والسودان مثل كلمة كندا وهي تعني السكين بلغة النوبة والكثير من المفردات وفي حضارة ايران نجد اسم كوش ومعناها باللغة الفارسية (فارس) كما يوجد اسم الاجانج في الهند وهو اسم اكبر نهر هناك. كما نجد اسم كوش في جنوب السودان قرب توريت، وكوش معناها العدد السادس في الحساب عند قبائل الفرسان كما نجد اسم كوكو منتشر في العالم نجد جزر الكوكو في استراليا ومنطقة الكوكو في بوليفيا، وكوكا في المحس، وقبائل الكوكو نجدها في الجنوب وكما نجد اسم كوكو للذكور في قبائل النوبة وخاصة الابن الاول وهو منتشر في النيجر ومالي .
وكما كان للنوبة ملوك عظماء وجيش عظيم العظم لا يعرف الا النصر ومن ملوكهم العظماء


كاشتا 806 - 751 ق م
الملك بعانخي ملك نبته 747 - 716
الملك تهراقا 689 - 664
وكوركي ملك مصر
واركماني ملك مروي
وسلكو ملك نوباتيا
وشكنده ملك علوه ودنقلا
وداؤد الثاني ملك دنقلا
الملك وماى ثنيلا
والملك تانوت اماني 653 ق م
والملك اماني والملك شباكو 707 - 696 ق م
وكير كير ملك تقلارو (تقلي حاليا)
والملك كال كي
ومن الملكات:
الكنداكة مروي
ونفر كاكا شتا
ونفرتيتي
وتابري زوجة الملك بعانخي
واماني تيرى
واماني شخت
والملكة تي في مصر

اسباب رئيسية لهجرة بعض نوبة الشمال الي الجبال والجنوب وافريقيا:
كانت ممالك النوبة ممالك قوية ومتماسكة كالجبال لا تهزها اقوى الاعاصير والخطوب ، ضربت علي هذه المملك عدة حروب مثل :
دخول الاشوريون في القرن السابع الميلادى الي مصر واسر نسائها واطفالها.
الفتنة التي وقعت بين صلاح الدين الايوبي والنوبة في مصر .
دخول المسلمين ارض مصر.
هذه الاسبايب جعلت شعب النوبة يهاجر الي مناطق الامن والاستقرار ونزوحه الي السودان عبر درب الاربعين
وهناك اسباب اخري للهجرة منها:
غزو الاكسوم لمملكة مروي بقيادة الملك عيزانا ملك الحبشة عام 325 ، واسر امراءها وجنودها وسلب ممتلكاتهم
غزو الروم علي مملكة مروي .
الفتنة التي نشبت بين الملك داؤد والملك شكنده جعل كل واحد يستعين بقوة اجنبية وبدخول الاجانب الي بلاد النوبة افقدها السيطرة علي امرها جعل الكثير من النوبة يهاجروا الي الجبال والجنوب ومناطق اخري
ومن الاسباب ايضا غزو الممليك لمملكة دنقلا .
ومن الاسباب جفاف مناطق الشمال ادى الي هجرات الي الجنوب والجبال.
ومن الاسباب دخوال المسلمين الي دنقلا وسوبا جعلهم يبتعدوا منها حفاظا علي انفسهم وديانتهم المسيحية وعاداتهم وتقاليدهم .
ومن الاسباب المهمة خالص:
تتويج ابن بنت الملك على الملك حتى ولو كان غريب هذه الثغرة افقدت النوبة معظم ممالكهم ومكنت الملك الغريب ان يفرض ثقافته الاجنبية علي الثقافة النوبية مما سبب في ضياع ملك وارث ولغة النوبة العظيمة ..

و نواصل عن الاسباب الحقيقة التي هجرت النوبة جنوبا والي الجبال :
غزو الدمادم علي مملكة سوبا وقتل الملك شكندة جعلهم ينزحون الى جبال النوبة.
دخول الفتنة والتي اصابت مملكة سوبا وضياعها كانت من اسبابها امرأة تسمي عجوبة التي دخلت فتنة بين امراء علوة مما سببت في تدمير مملكة علوة وعاصمتها سوبا ومن اسباب تفرق النوبة الي الشمال و الجبال نزح جنوبا .
اصدر الحاكم الانجليزر في التاريخ الحديث ان تكون جبال النوبة والجنوب مناطق مقفولة ومع رفضهم الانصياع لهذه القفلة ولكن اثر القفلة علي التقارب بين الشعب الواحد في الشمال والجبال حتي افقدتهم كثيرا من وحدة لغتهم والصلة التي تربط بينهم فعلت هذا لكي تسيطر علي شعب النوبة وتفنيته واسباب متعدده كثيرة وبدخول مصيبة القفلة هذه والمصائب المذكورة آنفا الي بلاد النوبة جعلت بلاد النوبة وممالكها تنهار وجعلتهم يتفرقون في عدة مناطق بحثا عن الامن والاستقرار . هذه الهجرات اثرت علي ارث ولغة النوبة وجعلها غير متوحدة ورغم هذا التباعد والتغيير في اللغة في جبال النوبة وبين نوبة الشمال ومصر نجد حتى الآن تشابه كبير في اللغة والارث و التاريخ والملامح بين نوبة الجبال ونوبة الشمال ومصر وكما نجد عندهم كثير من الكلمات متقاربة مع بعضها البعض ولكن يشوبها التلحين.

وهنا سوف ننقل لكم نبذه تعريفية من باب أعرف وطنك علي المجموعات النوبية:
مجموعات الشمال:
وهم ينقسمون الي قسمين ولهم لغتين وبهما تشابه ولغتهم كالاتي:
لغة مجموعة (المتوكي) وهم الدناقلة والكنوز ولغتهم واحدة.
والمجموعة الثانية هم لغة المريسي (الفديجو) وهم المحس والسكوت والحلفاوى ولغتهم واحدة ايضا.
المحس نجدهم منتشرين في جميع انحاء السودان ولهم جزء في دارفور
خاصة قبيلة الميدوب لغتهم مع المحس واحدة يوجد بها اختلاف بسيط في تلحين الكلمات اما دارفور فهي تتبع الحضارة الكوشية في العهد القديم
كما يوجد في ارثهم الثقافي نجد انهم يدفنون موتاهم بنفس الطريقة التي يدفن بهاحضارة كوش يدفنون الميت ومعه ادواته التي يستعملها في حياته كما لهم لغة مشتركة تجمعهم مع لغة نوبة الشمال والجبال.

مجموعات الجبال والجنوب :
ومجموعاتهم كالآتي حسب اللغة:
مجموعة الكواليب: وهي اكبر المجموعات وتضم الكواليب ومورو وهيبان واتورو وتيرا وليرا وام حيطان والهدرة وكاو ونارو وفنقر وشاويه.

مجموعة النمانيج: وتضم قبائلها القاطنة القرى التالية : النتل وتندرية وسلارا وكلارا وكرمتي(هل تعني تيمنا بارض الجدود كرمةفي الشمال) وحجر سلطان و والفوس وافتي التي تسكن شرق جبل الدائر.

مجموعة تلودي والمساكين وتضم قبائل تلودي والمساكين واجرون وكلولو وقبائل طجة وغيرها.

مجموعة لفوفا وتضم لفوفا واميرا وقبائل اخرى.

مجموعة تقلي وقبائلها: الرشاد وكجاكجة وتقوى وتملي وترجك وتكم ووتيشان واخرى.

مجموعة كادقلي: وتضم قبائل كادقلي كرنقو وميري وتلشي وكاتشا وكمدة واخرى .

مجموعة تيمن وتضم قبائل كيقا وجرو وتيمن وسرف الضي وتيسي واخرى.

مجموعة كتلا وقبائلها: جلد وتيما واخرى.
مجموعة الاجانج: وتضم قبائل الجبال السته وهي ( كرورو وكدرو كافيرا وكلدجي ودباتنا ووكارتالا بالاضافة لقبائل كاركو وغلفان ووالي وفندا كاتشا وطبق وابو جنوك والدلنج والكدر والشفر وكجوريه وقبائل كاجا وكتول في شمال كردفان واخرى.

مجموعة الداجو: وتضم شاتاتا لقوري ابو سنون وتلو واخرى .

مجموعة الدواليب فهم نوبة مختلطون مع العرب فقدوا جزء من تراثهم النوبي وهم يسكنون شمال كردفان والروايه تقول ان الدواليب جزء من الكواليب (نفس الاسم قرية في وادي حلفا(


هنا سوف ننقل لكم الكلمات المشتركة وهي تعني وحدة اللغة:

الام: تسم (انينق) بلغةالدناقلة ومجموعة الاجانج وخاصة الغلفان واخرى.

الوالد: (ابا) بلغة الدناقلة والغلفان والكواليب وابو بلغة المحس.

الوجه: يسمي (كونج) بلغة الغلفان والدناقلة والنمانج والمحس وقبائل اخرى

اللبن: يسمى (اج) بلغة الغلفان و(إجيه) بلغة الدناقلة.

انا: تسمى (أي) بلغة الغلفان ولغة الدناقلة والمحس.

المطر: يسمى (أري) بلغة الغلفان و(ارو) بلغة الدناقلة و(ووي) بلغة المحس.

الرأس: يسمى (اور) بلغة الغلفان والدناقلة (وارو) والمحس.

الحصان: (كج) بلغة الدناقلة والغلفان وكج علامة استغراب عند الكواليب.

الحصان: (مورتا) بلغة الكواليب و(مورتي) بلغة المحس والحلفاوين والسكوت (ومرتا) بلغة اتورو ومرتا اسم قبيلة في كادقلي

الحمار: (حنو) بلغة الغلفان و(هنو) بلغة الدناقلة والمعروف ان الدناقله عندهم مشكلة كبيرة جدا في نطق حرف ال (ح) مثال هنو و(خ) مثال هيت لخيط و(ع) وتاليم لتعليم.

النار: تسمي (إيقه) بلغة الكواليب واتورو والغلفان و(وإيق)بلغة الدناقلة والمحس والحلفاوين والسكوت و(ليقه) بلغة ليرا.

السكين: (كندا) بلغة الكواليب والدلنج و (كند)بلغة كاركو و(كندنق) بلغة ليرا وتسمي (كندي) بلغة الدناقلة والمحس والسكوت والحلفاوى. ومندل(الصبي) و(كندو) بلغة الشفر الفرسان و(كوني) النمانج.

الجمل: يسمى (كم)بلغة نوبة الشمال كلهم، ويسمي (كمله) بلغة الكواليب واتور وتقلي (تقوي) والدلنج والنامنج وتلشي ويسمى (كملا) بلغة بلغة مورو (كمل) بلغة الشفر وكاركو والصبي و(كملقا) بلغة ميري وكادقلي وكرنقو عبدالله وكيقا الخيل .

كوكو: اسم مشترك بين الجبال ونوبة الشمال ومعناها الاسد

نقلته اليكم من تاريخ السودان القديم

كنز السودان 4

قبائل نيلية

الدينكا

الدينكا هم اكبر المجموعة النيلية، التي جاءت من سفوح الهضبة الاثيوبية واستقرت في الجزء الجنوبي من منطقة البيور جنوب السودان، وتحلقوا حول الانهار وخاضوا معارك ضد من هدد وجودهم من القبائل التى عاشت من قبلهم.والدينكا نيليون وهم اكبر قبيلة بالسودان، وقيل انهم ثاني اكبر قبيلة بافريقيا بعد الماساي في كينيا ويمثلون (11٪) من مجموع سكان السودان و(4,05٪) من سكان الجنوب السوداني. ومن اهم بطون الدينكا النجوك وابوك وادوت والدينكابور والنويك ملوال، والى عشيرة الدينكا بور ينتمي الراحل جون قرنق زعيم الحركة الشعبية لتحرير السودان.

الخرافة

هنالك خرافات تصل الى درجة التقديس عند عموم الدينكا بالسودان، والخرافة عندهم عنصر اولي لبناء العقل حيث تدل على خصوبته.وتقول خرافة الدينكا، ان جدهم جميعاً يسمى (دينج ديت) وتعني في لغتهم ربنا الكبير، ولدته سيدة تدعى (ألوت) والتي تعني بلغة الدينكا بنت المطر، وهذا الولد اسمه (دينج ديت)، وباعتقاد السيدة ألوت انه الصلة بينها والله خالق الخلق.ويعتقد الدينكاويون ان (ألوت) صعدت الى السماء ذات يوم تاركة (دينج ديت) مع جمهور من الدينكا ليكون نبراساً مضيئاً في دنياهم، ومن ذلك الوقت يخصص اهالي قبيلة الدينكا بقرة واحدة باسم (ديت) وسط ابقارهم تيمناً وتبركاً، ولا يحق لهم بيعها وانما يحسنوا تربيتها لتتكاثر عندهم ويستفيدوا منها في الزواج وشرب الحليب واكل لحمها.

وفي مطلع كل سنة جديدة يذبح كل شخص ثوراً او خروفاً سميناً، وذلك قرباناً لروح (دينج ديت) وتحديداً في اول موسم الامطار والحصاد وفي اول نضوج الذرة ولابد ان تكون ذبائح (دينج ديت) من افضل القطيع.

ويطغى عندهم حبهم وولعهم للابقار وتربيتها والذود عنها، ان جد الدينكا قال لهم في وصاياه ان الزواج بالابقار وكذلك الدية والتعويض عن اجزاء الجسم كلها بالابقار.

أوصى(دينج ديت) جميع الدينكا بأن لا يقربوا الزنا، ولا يسرقوا، او يضاجعوا زوجات غيرهم.

وللدينكاوين صفات الكرم وحسن الضيافة فهم يأون الغريب والطريد ويبرون به.

ونجد الدينكا في مكان يحفظون ويراعون ويطبقون وصايا جدهم (دينج ديت) ويتواصون بها اباً عن جد، وبالتالي صار مجتمع الدينكا انقى المجتمعات واطهرها اذا ما قيسوا بغيرهم، وتواجد الدينكا وتوالدوا وتكاثروا وفق معايير اخلاقية يندر ان توجد في قبيلة نشأت في البدء بعيداً عن اديان السماء، فهم يهتمون وبشدة على شرف المرأة مقارنة مع غيرهم من قبائل الجنوب، الى الحد الذي تزهق فيه عشرات الارواح بينهم او مع آخرين لان شرف الفتاة مصونة، ولا يقبلون خدشه.

ولذا تجد فتى الدينكا احرص على شرف الفتاة البكر اكثر من حرصها هي على نفسها، فرغم الاختلاط التلقائي الذي تفرضه البيئة والحرية المطلقة بينهم وما كان سائداً من عادة التعري لوقت قريب الا انه نادراً ما تسجل حالة اغتصاب لفتاة بينهم برغم الكثافة السكانية التي يعيشونها.

كما ان الدينكا لا يقرون بينهم الاسترقاق، فعندما كانوا يحاربون في الماضي القبائل الأخرى، ويأتون برجالها أسرى لديهم منذ وصولهم لديار الدينكا فأسراهم احرار بل وأخوة لهم، يتساوون معهم في كل شؤون الحياة ويملكون المال ويعتبرونهم كالإخوان.

تاريخياً كثير ما عبر من بعض مكونات الجنوب القبلية عند تذمرهم من سيطرة قبيلة الدينكا على جميع امور البلاد، ففي العام (1991) قاد بعض ابناء قبيلة النوير (ريال مشار وغيره) معززين بعناصر من الشلك تمرداً ضد جون قرنق جسد خروجاً على هيمنة الدينكا وانضموا الى حكومة الخرطوم، الا ان ذلك لم يمنع قرنق من السيطرة على حركة التمرد واستقطاب من تمردوا عليه وعودتهم من خلال السنوات الأخيرة.

الزواج عند الدينكا

عندما يرغب الدينكاوي في الزواج لابد له من الاتفاق مع الفتاة التي ارتضاها زوجة، وبعد ذلك يتصل باصدقائه من الشباب للاستشارة، وبعد موافقة الاصدقاء على المشروع يذهبون جميعاً إلى منزل أهل الفتاة ويطلبون منها أن تأتيهم بقليل من (التبغ) وبعد تدلل معها ورجاء من الشباب تذهب الفتاة لوالدها وتخبره بخبر الخطيب وتطلب منه «التبغ» لهم فإن عادت به فتلك علامة الموافقة فيرجع الخطيب واصدقاؤه إلى أهلهم.

وبعد يومين تذهب الفتاة وصديقاتها إلى منزل زوج المستقبل لمساعدة والدته فتجهز لهن عشة خاصة وفي الأمسيات تقرع الطبول، ويبدأ الرقص مع البنات وبعد ذلك تعود الفتيات بالخطيبة إلى دارها، ويقوم الشباب برد الزيارة ولا يرافقهم العريس إذا كانت ام الخطيبة على قيد الحياة، كما يصحب الشباب أحد اقربائه نيابة عنه، ويساعد الفتيان أهل العروس في مزارعهم، وفي المساء ينظم الرقص والغناء وبعد انتهاء الحفل ينام الضيوف في العشة المعدة لهم.

وبعد ذلك تزور الفتاة عريسها في منزله، حيث تقام الافراح وتخصص عشة للعريس واصدقاء الأنس، وبعد أيام ترحل العروس إلى اهلها مع أحد اقرباء الزوج فيزورها زوجها هناك، وهكذا تارة عند أهله وتارة عند اهلها ولا تستقر حياتهم الا بعد موت الحماة، وبموتها تستقر الزوجة بمنزل زوجها خلفاً لوالدته في السيادة على المنزل وبعضهم يرحل بزوجته بعد المولود الاول.

كنز السودان 3

الشيخ فرح ودتكتوك



الشيخ فرح ودتكتوك عاش فى سنار فى زمن مملكة الفونج فى النصف الثانى من القرن السابع عشر، وهو من قبيلة البطاحين، يحب العلم والعلماء، وقد اشتهر بين قومه بالحكمة، فكان الناس يتناقلون كلماته، ويشعفون بكل ما يأتى به من أقوال وحركات، يحكى أنه نزل فى مرة فى حلبة الرقص حيث كان يوجد بعض السكارى والصعاليك الذين لعبت الخمرة بعقولهم ، فاخذوا يتصاحون ويرقصون فى صخب جامح، فتمنطق الشيخ فرح بعمامته، وأخذ يرقص معهم ، فاقبل عليه بعض محبيه، يستفسرون عن السبب الذى جعله ينخرط فى سلك هذه الشلة الفاسدة وهو الشيخ المتصوف الورع. فاشار الشيخ فرح بأسلوبه الحكيم، اصغوا أيها الناس إلى موسيقاهم، وضربات نوباتهم كأنها تقول " كم كبت وكم تكب ، وكم كبت وكم تكب." وهكذا أخذ الشيخ فرح يردد هذه الالفاظ، ويرقص على نغماتها، ولعل من هنا أتى المثل الشعبى الذى يردده "يغنى المغنى وكل حد على هواه" وبمرور الزمن صار الشيخ فرح كأنه شخصية اسطورية، تنسب إليه كل كلمة صائبة وكل كلمة طريفة حتى ملأ صيته الآفاق، ولهجت الالسن فى كل بقعة من بقاع السودان بنوادره الطريفة ومما لا شك فيه أن سبب شهرة الشيخ فرح هو نظراته الواقعية الى الحياة، وفهمهه العميقلنفسية الناس الناس كان يحيطون به فى تلك الفترة، فكان بمثابة فيلسوف القرية، يعالج مشاكل الناس يروح واقعية ويستمد براهينه من الظروف والملابسات الملموسة لدى فومه، يحكى أن جماعة من التجار. العيش أتو إلى الشيخ فرح يطلبون منه أن يبيعهم كمية من محصول السنة فأحسن الشيخ فرح استقبالهم ولكنه استشارهم فى أن يهلوه حتى يأخذ برأى العيش، فذهب إلى مطمورة العيش، وانحنى كمن يخاطب العيش " يقول الخمرى الداخرك لعمرى، اتعشى بيك واصبح مشتهيك" يشير الدكتور عبد المجيد عابدين بأن هذه النادرة تدل عام المجاعة، لأنه لم يعرف عن الشيخ أنه كان بخيلا، ولكن قلة المحصول جعلته شديد الحرص، فالشيخ فرح يقول مثلا.

بيتك لاتجيه من ليالى الحر.

جاهد الأرض لأجل الملود تنكر.

ليالى تفاه يا خوى لا تنفر.

سيد العيش عزيز الرحال تنجر.

الحارت يريده ربنا القدوس.

قدحة فى المواجب تجده متردع مدروس.

فى الدنيا جابو ليه الفى الغيب مدسوس.

فى الآخرة ساقه الرسول على الفردوس.



ولعل فهم الشيخ فرح العميق للحو ادث، ونضج تجارية الذاتية، ونظرته الصوفية إلى ظواهر الكون لعل هذه الشياء خلقت منه مفكراً يسبق الحوادث بعقليته الفذة، ويرى ما لا يراه قومه حتى أنه أتى بتنبؤات لم تلبث أن تحقق بعضها، كما أنه يجب أن ندخل فى اعتبارنا ما نسجه العوام فى فترات متفاوتة، ومما ينسب إلى الشيخ فرح وتكنوك أنه قال فى زمن لم يس تعمل فيه التليفون أو السكة الحديد، "قال آخر الزمن السفر يبق بالبيوت والكلام يبقى بالخيوط وبيل نظرة فى النيل، وكأنه يصعب عليه أن يحول هذا النهر عن مجراه الطبيعى مما يترتب عليه من مشارع ومشاق، كغمر النيل للأرض الخصبة، كالجروف التى كانت مصدراً للرزق، فتنبأ الشيخ "بكرة يجوك مقطوعين الطارى، ييسكونوك الضهارى.



ويقول الشيخ فرح ودتكتوك "آخر الزمن شوف البقت. والنوق من الشيل دبرت. المحنة راحت ما قبلت. الجنى للوالدين جفت. العافى ليده ما تلفت. الحرة كالخادم مشت. مرقت برة انكشفت.

راحوا لرجال تلت الجتت. والصح دروبه انسدت. كيف يلحقوك فقرا البخت

...........................................................................................


أدب المدائح

يعتبر أدب المدائح من صميم الأدب الشعبى لأنه يعكس لنا المعتقدات الدينية والأوهام والمخاوف الغيبية التى سيطرت على العقلية السودانية فى فترة معينة فنستطيع أن نتعرف على المعانى الخلقية التى عملت على توجيه سلوك الفرد . وأدب المدائح مادة غزيرة تمكن الباحث من التوصل إلى معرفة نفسية الشعب من آمال وآلام وأمانى . ولا شك أن البيئة الزراعية وما يصحبها من تخلف فكرى لها أثر فى دفع الفرد إلى الإيمان بالغيبيات لان الفرد فى المجتمعات البدائية غالباً ما يعجز عن تفسير ظواهر الكون يخفيه قصف الرعود والعواصف فهو فى صراع دائم مع الشر ، حياته مليئة بالمخاوف والأوهام ولذلك يلجأ على الإيمان بالغيبيات فيجد لذه روحية وطمأنينة فى حياته . والمدائح التى يفيض بهال كتاب " الطبقات فى خصوص الأولياء والصالحين والعلماء والشعراء فى السودان لمؤلفه الشيخ محمد ضيف الله بن محمد الجعلى الفضلى المتوفى سنة 1224 هجرية ، خير برهان على ذلك . أن تلك المدائح تكشف لنا عن نفسية الشعب السودانى فى الأزمان الغابرة من خلال المعتقدات الدينية وتقديس الأولياء والدراويش . ولدينا الآن نموذج حى لأدب المدائح فى السودان وهى قصيدة للسيد محمود الفاضل شيخ حلة المعدلاب مجلس ريفى سنار شرق الكواهله وهو من محبى الشيخ المكاشفى ، والشيخ المكاشفى من كبار الأولياء فى السودان وقد توفى منذ عهد قريب اشتهر بالعلم والزهد وملأصيته الآفاق وقد عالج اناساً كثيرين من الذين يعتقدون فى كراماتة وله " حيران " يتمتعون بكرمة الفياض . نذكر هذه القصيدة هنا لأنها تناقلتها الألسن فهى تكاد تكون ملحمة دينية تصور بطولات الشيخ من علم وزهد وورع وكرم فياض . فالمادح يشكو آلماً ممضاً فى رجله ، وبعد أن عجز فى علاجها اتجه إلى الشيخ المكاشفى حتى يزيل منه الألم ويناجيه من بعيد فى حسرة قاتلة .

يا سماع بعيد بلد الواحيه

خيل الشيخ سراع لصيحة الهوية

ما كشفت الكراع سوت الحكية .

وهنا يتوسل له المادح ويشكو له فقره المدقع .

الزمن طويل والسنة قوية

الحمل تقيل والكسب شويه

والمادح كأنه يحاول ان يقنع نفسه بأن ذلك الشيخ الجليل الذى يهلل فى الثلث الأخير من الليل والذى سبق ان عالج القوب والبرص تلك الأمراض التى عجز الأطباء عن علاجها لابد ان يجد عنده العلاج لأنه ولى يخلص لله ، فلماذا لا تستجاب دعوته .. ؟؟

فى التلت الأخير اسمعوا تهليله

القوب و البرص داوتن حفيره

يمشي بي كرعية و يسبق البطيرو .

و ينتقل المادح يعبر عي اعجابه بالشيخ فهو قد اقتنع بان الشيخ لن يطالبه باجرة العلاج لانه يعين الفقراء ، ويضمد جروح المعوزين .

عاجبانى طبيعته السمحة وظريفة .

ما دار الملك ما تتاوق للوظيفة ما كلف حور داير القطيفة وجسمه بضوى غير صابون وليفة .

البزور بجنيه والبلدى عند النادر واحد ما فرز واحدين .

والشيخ الذى يستفرع فيه المادح كل معايير المدح والإعجاب ويصفه أيضاً بانه يكف عينه عن الهدايا ومع ذلك يحل المشكلات العويصة ، فهذا ما لفت إليه الأنظار ، وجعل الأقوام تهاجر إليه من كل فوج عميق .

عينه ما بتلا حظ لى قرش الهدية

وما بتنفك غيره الشبكة القوية

جالب القيمان من بلود أم بادر

مجمع الأرواح فى مسيد النادر .



..................................................................................................
اسطورة الأبيض والأسود

" عندما كان الروح العظيم بصدد ان يخصص لكل مخلوق عمله فى الحياة استدعى إليه الرجل الأسود والرجل الأبيض ووضع أمامها صندوقين ولما كان الروح العظيم يحب الرجل الأسود فقد اعطاه أولوية الأختيار . فرأى الرجل الأسود أن أحد الصندوقين كبير وثقيل وأن الصندوق الآخر صغير وخفيف .. لذا اختار الثقيل وجاهد حتى حمله على كتفه وذهب به إلى بيته فوجدبه المعول وجرة الماء والعصا فخرج إلى الحديقة ليزرعها إلى النهر ليحمل ماءه وإلى الغابة يجمع الأشجار وما تجود به من ثمار وسخط الرجل الأبيض فى بداية الأمر لان الروح العظيم قد منح الرجل الأسود فرصة الاختيار .. وفتح الرجل الأبيض صندوقه فوجد به قلماً وورقة .. فوضع القلم هلف أذنه والورقة فى جيبه وكان كلما تعلم شيئا جدياً دونه على الورق .. ومات الرجل الأسود الأول .. وضاعت تجاربه معه ومات الرجل الأبيض الأول فبقيت تجاربه مدونه محفوظة . إن الرجل الأبيض يحقد علينا لأن الروح العظيم اعطانا فرصة الاختيار قبله .. فحرمنا من العلم والمعرفة .. وصار علينا ان نحصل على القلم والورق إلى جانب الفأس والعصا .. ".



والأدب الشعبى السودانى ملئ بالأقاصيص الشعبية والملاحم التاريخية والأساطير والأحاجى ولكن للأسف لم يعنى بها الباحثون فهى لا تزال تكتمها الصدور فى المدن والقرى ما عدا بعض المحاولات البسيطة التى يبذلها بعض كتابنا فى داخل البلاد وخارجها لنشر التراث الشعبى .



فنحن إذا ما اتجهنا إلى المسنين فى القرى لوجدنا عندهم اساطير وقصص شعبية من صميم بيئتنا السودانية تعكس لنا تاريخ بلادنا فى ثوب نظيف وتمد الأجيال القادمة بطاقة معنوية من تراث الاجداد المقدس. ان الأحاجي والحكاوي الشعبية التي تنقشها المرأة المسنة في ذاكرة الطفل، انما هي تاريخ الأجيال، وعصارة التجارب الانسانية التي اكتسبها اسلافنا في الماضي، وبلادنا غنية بالمواد الفلولكورية، والفنون الشعبية الأصلية، ذلك لأن بلادنا بطبيعتها قطر زراعي له قيمة ومثله التي تحافظ علي كيانة، وتحميه من الانقراض والفناء.



وقديما تشبعت العقلية السودانية بافكار وأديان، وحضارات. عبدنا آلهة المصريين، وانتجنا الحضارة النوبية العريقة بقيادة الفرعون النوبي السوداني بعانخي، تقلبنا الديانة المسيحية، واخيرا ارتضينا الاسلام دينا. لا شك ان هذا التراث الذي توار ثناه من الاسلاف كفيل بأن ينير الطريق للأجيال اللاحقة.

والباحث في هذا للون الشعبي يمكنه أن يعثر علي ضالته في النقشات الأثرية، والصناعات الشعبية التي لم تتأثر بالآلة، يمكنه ايضا أن يدرس الاغاني الشعبية والمدائح الصوفية، وسيجد ما يغنيه في الأساطير والقصص الشعبية ، كأسطورة تاجوج مثلا ، كما أنه يمكن للباحث أن يستقصي حكم الشيخ فرح ودتكتوك، ونوادر البصيرة ام حمد ، وبطولة ود النمير ، وشعر الحا دلو، ونوادر العجب أمه.



وتوجد ظاهرة هامه في ادبنا الشعبي ، وهي تأثر الأدب الشعبي السوداني شخصيات وحوادث الشعوب العربية الأخري. وذلك ناتج عن الهجرات العربية الكثيرة التي قامت بها بعض القبائل العربية الي السودان من طريق البحر الأحمر والبعض الآخر من طريق صحراء مصر الشرقية أو وادى النيل، فيحكم موقعه الجغرافي ، وبحكم مواقفة التاريخية من جاراته البلاد العربية ، تأثر بأقاصيص عربية شعبية أصلية، كمقصص أبي زيد الهلالي، وحكاية يونس في تونس وبطولات عنترة بن شداد فهذه الحكاوي لازالت تنتقل من ثغور الشيوخ الي الشباب في السودان، وهي أثر مادى لا متزاج تراثنا الشعبي السوداني بالتراث الشعبي منذ قديم الزمان .

.............................................................................

الزول و ما أدراك ما الزول

الزول تلك اللفظة العربية التي أصبحت تعادل كلمة سوداني في كل مهجر ومغترب ، حتى أصبحت شعاراً للسوداني ـ هي والعمامة ـ و )زول( من فصيح العربية ولها في لسان العرب لابن منظور أكثر من سبعة عشر معنى ، فالزول تعني

: (1) الكريم الجواد ، أنشد السكيت المزرد
لقد أروح بالكرام الأزوال من بين عم وابن عم أو خال
(2) والزول : الخفيف الحركات ، قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .
(3) والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولاً وفطيماً وراضعاً وغذياً
(4) والزّول : العجب ، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء . قال الشاعر في وصف سير ناقة .
مرفوعها زول وموضوعها كمر غيث لجب وسط ريح
فمرفوعها زولٌ يعني سيرها إذا أسرعت عجب من العجائب .
(5) والزول : الشجاع الذي يتزايل الناس من شجاعته

(6) والزول الخفيف الظريف الذي يعجب الناس من ظرفه

(7) والزول الغلام الظريف

(8) والزول : الداهية

(9) والزول الصقر

(10) والزول : معالجة الأمر كالمزاولة

(11) والزول التظرف

(12) والزول : الحركة

(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز حيزبون زولة … قال أبو علي : الحيزبون التي فيها بقية من الشباب . والزولة الظريفة

(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء ، قال رؤبة بن العجاج :
قد عتق الأجدع بعد رق بقارح أو زولة معق
(16) ووصيفة زولة : إذا كانت نافذة في الرسائل

(17) ويقولون فلان رامي الزوائل : إذا كان خبيرا بالنساء ، قال الشاعر :
وكنت امرأً أرمي الزوائل مرة فأصبحت قد ودعت رمي الزوائل
ففتى، زول وفتاة ،زولة ، وفتية أزوال ، وفتيات زولات ، ونسوة زوائل . وبقي معنى ثامن عشر عليكم به في بطون الكتب .
والفقهاء .والزّول السمح فات الكبار والقدرو

...........................................................................................



( الزواج )
الزواج من أهم المناسبات الإجماعية التي تتضح فيها معالم التمازج وتباين الإرث الثقافي العربي الأفريقي تختلف مظاهر الاحتفال بمراسم الزواج من منطقة إلى أخرى تبعاً للتكوين القبلي ففي شمال البلاد نجد بعض ملامح التأثر بالحضارة النوبية القديمة و أثار الحضارة الفرعونية ، أما في الشرق فتتميز مراسم الزواج بالبساطة ويغلب عليها طابع البداوة وفي الوسط تظهر معالم المدنية وعوامل تأثير الحضارة الحديثة ، أما في غرب البلاد فتتباين مراسيم الاحتفال بالزواج تبعاً لاختلاف التكوين العرقي فهنالك بعض القبائل ذات الأصول العربية واخري يغلب عليها العنصر الأفريقي وابرز ما يميز مراسيم الزواج عند القبائل الجنوبية الطابع الاحتفالي البهيج المتمثل في حلقات الرقص علي أنغام الطبول وتتميز مناطق السودان الغربي والجنوبي بتعدد ثرواتها الزراعية والحيوانية لذا نجدهم يقدمون مهراً عيناً وهو عبارة عن قطعان من الماشية خاصة الأبقار وتستمر مظاهرالاحتفال بالزواج عند كل القبائل السودانية لعدة أيام تتعدد فيها الطقوس ومظاهر الفرح


.....................................................................................................
نواصل

كنز السودان 2

الأمثال الشعبية

قال ارسطو" كأن الأمثال متخلفات حكم قديمة ادركها الخراب، فسلمت هي من بين تلك الحكم لمتانتها وجزالة الفاظها" .



وقال سرفنتيس " المثل زبدة اختبار طويل مفرغة في قالب صغير" ويحضرنا في هذا المقام أن نذكر جهابذة العلماء العرب الذين دونوا الأمثال العربية الفصحي، والعامية، أمثال ابن عبد ربه في كتابه العقد الفريد ، وأبو هلال العسكرى في كتابة " جمهرة الأمثال " والميداني في كتابة المسمي " مجمع الأمثال" حيث أنه جمع فيه مايربو علي ستة آلاف مثل، كما لا يفوتنا أن نتعرف علي كتاب المؤرخ الكبير نعوم شقير" أمثال العوام في مصر والسودان والشام " طبع في القاهرة سنة 1894 م.



هذا السفر القيم ضم باقة من الأمثال في السودان ومصر وبلاد الشام مرتبة علي حروف المعجم، وفهرسها بمعجم ضمنه الغريب من الألفاظ كما قام بشرحها. كان نعوم شقير يدون الأمثال كما يسمعها من أهلها، فجعل بابا للأمثال الشامية، وبابا للأمثال السودانية ، وآخر للأمثال المصرية، وقد لا حظ إن الأمثال عند العوام كثيرا ما ترجع الي حكاية ثم تصير مثلا سائرا " قالوا في حكاية المثل المعروف وهو" ابوك خلف لك ايه يا جحا قال جدى ومات " إن جحا اجتمع برجل علي مائدة، فاراد الرجل أن يشغله عن الطعام ليصيب الحصة الكبرى فقال له " أبوك خلف لك ايه يا جحا" فادرك جحا قصده واقتصر القصة، وقال " جدى ومات "



اقوال إن كتاب " أمثال العوام في مصر والسودان والشام " يعتبر ذخيرة أدبية قيمة ، فمؤلفه كان علي دراية تامة بعادات ولهجات البلاد التي كتب عنها، يقول نعوم شقير في مقدمة كتابة " كان الغرض من هذا الكتاب الاحاطة بكل ما تجب معرفته عن هذه البلدان الثلاثة، وفي التاريخ والجغرافية ، والأخلاق، والعادات ، والخرافات . واللغة والآداب،ونحو ذلك.



وكانت الأمثال من أهم ما تجب معرفته من آداب القوم، اذهي مراه تنعكس منها اخلاقهم، وعاداتهم ،وشاهد عدل علي حالة اختلاف طبقاتهم، ونحلهم، فجمعت من أمثالهم اكثر من عشرة الاف مثل انتقيت منها هذه المجموعة، وهي تشتمل علي 4494 مثلا ، منها 1425 مثلا شاميا و 1526 مثلا مصريا و 533 مثلا سودانيا، فجاءت اكبر مجموعة ألفت في الأمثال العامية الي هذا اليوم – يقصد في سنة 1894 م – وسميتها " أمثال العوام في مصر والسودان والشام " ولاحظ أيضا نعوم شقير تشابه الأمثال في البلاد العربية، وقد علل التشابه " بأن العادات التي نشأت منها الأمثال في جميع العصور والبلدان هي عادات واحدة ، وهي عادات عربية، كما أن الاتصال التجاري، والكتب والجرائد العربية، التي لم تزال متداولة في البلاد العربية، قد تأثر بها العامة وحرفوها علي اختلاف بيئاتهم الجغرافية والثقافية.



والشئ الذي نأخذه علي نعوم شقير هو ترفعه عن الأمثال الدائرة علي السنة الرعاع، وذلك لمسماجتها، وانحطاط الفاظها كما يعتقد، وإغفاله لهذا الجانب الشعبي الهام الذي يعكس تجارب الشعب وأمانيه في تلك الفترة ذلك لأن المثل الشعبي الذي ينبع من البيئة هو الذي يفيدنا في مجال دراستنا الفولكلوريه، ثم إن ترك هذا الجانب الشعبي من الأمثال لا يسلب الكتاب قيمته، فهو محاولة جادة ومفيدة للباحثين، بل انني لأعجب كيف لا يتعرض له علماء الفولكلور في مؤلفاتهم العصرية .



فالمثل الشعبي اذن هو خلاصة تجارب، وخبرات صبت في كلمات موجزة تؤدي في مناسبات تفتقر إلي مثل هذه الشعارات الحكيمة. والأمثال من صميم الأدب الشعبي، لأنها تتضمن معاني خلقية ، واجتماعية تكشف لنا عن سلوك الفرد في المجموعة التي ينتمي اليها، فنحن عندما نفشل في اقناع شخص اقناعا عاطفيا، فاننا غالبا ما نلجأ إلي المثل الشعبي حتي يعبر عن التجربة السابقة في الحال، وطالما تعارف الناس علي أوضاع اجتماعية، وسمات خلقية معينة، فإن المثل يؤثر فيهم تأثيرا بالغا.



والمثل الشعبي قد يستعمل لأغراض تعليمية، فتارة يكون علي شكل نصيحة، وتارة يكون نقدا لازعا، واداه للتشهير والسخرية تماما كما تعالج النكتة المصرية الأوضاع التي لا تتفق مع رغبة الجماعة ، وبعض الأمثال تتسم بروح الفكاهة فهي عبارة عن صورة كاريكاتورية.



ولدينا الآن نماذج من الأمثال الشعبية السودانية تمثل الأغراض التعليمية كمثل" راكوبة الكضب هديمة وبيت الصح يقيف لا ديمة "



درب السلامة للحول قريب " صنعة في اليد أمانا من الفقر"



والأمثال النقدية اللازعة كمثل " عينك في الفيل وتطعن في ضله ؟ ! "

يضرب للشخص الذي يجبن عن مجابهة الواقع ، فيتعلق باسباب واهية لائمت إلي الأصل بصلة، ومثل " غلفه وشايله موسي تطهر" يضرب للشخص الذي يحث الناس علي فعل شئ، بينما هو نفسه لا يقدم علي فعله. أما المثل الكاريكاتورى كمثل " الضايق عض الديب بخاف من مجر الحبل " يضرب للشخص الذي يلوذ بالفزع والفرار كلما ألمت به حادئة طفيفة .



من هذا نتبين أن المثل الشعبي أداة تعليمية لها خطرها في المجتمعات البشرية بقي لنا أن نتساءل كيف نفسر تشابه الأمثال، واتحادها في المعني في معظم البلاد العربية، بل اننا قد نجد أمثال ، من الهند والصين أو من البلاد الأوربية تتشابه في المعني؟ وللجواب علي ذلك نقول أن علماء الفلولكلور أرجعوا هذا التشابه أو الاتحاد في المعني؟ وللجواب على ذلك نقول أن علماء الفولكلور أرجعوا هذا التشابه أو الاتحاد فى المعنى إلي ناحيتين(1) الهجرات (2) وحدة التجربة.



الهجرات: مما لاشك فيه أن السودان دخلته هجرات عربية وغير عربية، من الجزيرة العربية ومصر، وبلاد المغرب، فلا يستبعد أن تكون تلك الهجرات قد حملت معها تراثها الشعبي الذي ضمنته المثل الشعبي، ولذلك تجد تشابها قويا بين المثل السوداني والمصري والسوري ، والعراقي .



وحدة التجربة: فسر علماء الفلولكلور ايضا هذا الاتحاد في الأمثال، أو التشابه بأن أي مجموعة من البشر لها تجاربها الخاصة، وخبراتها في الحياة فقد يحدث أن تتفق الشعوب في المعاني التي تضمنها الأمثال الشعبية . والسبب في ذلك هو وحدة التجربة الانسانية، وهذا لعمري أوضح تفسير يمكن أن نستفيد منه ليس في مجال الأدب الشعبي فحسب ، بل في المجال التاريخي أيضا، لأن فكرة التأثر غالبا ما تفقد عاداتنا وتقاليدنا الأصالة ، وتطبع تفكيرنا بالسطيحة والجمود.



فمثلا نجد الانسان العادي في الجزيرة العربية أكتوى بنار هذه التجربة التي تقول " من حفر حفرة لأخيه سقط فيها " والسوداني العادي أيضا عاش هذه التجربة في بيئته الخاصة، فعبر عنها بأسلوبه الخاص قائلا " التسوى كريت في القرض تلق في جلدها " وهكذا نجد أن المثل الشعبي السوداني عبارة عن سجل خالد للعادات والتقاليد والتجارب التي عاشها الانسان العادى في سالف عهده.

..........................................................................................
الأحاجى الشعبية والألغاز

يقول الشيخ عبد الله عد الرحمن " ويسمون الأحاجي في السودان الحجا جمع حجوة في كردفان والحجا قسمان طوال وقصار . أما الطوال فعبارة عن حكايات خيالية تؤثر في نفوس الصبيان كثيرا. فتراهم عندما يستمعون يضحكون. وأونة يبكون. وأخرى تكلح وجوهم. ومرة تنطلق أسرتهم. وهي بمثابة الروايات والقصص" فقد كانت الأحاجي اذن تلعب دورا خطيرا في المجال التربوي. فهي بمثابة السينما والاذاعة والمسرح في زماننا هذا. وهذه الأبيات للشاعر الشيخ عبد الله عبد الرحمن تحكي لنا في إيجاز أهمية الأحاجي في الازمان الغابرة يقول الشاعر.



وسامر الحي من عبد وفتيان بين البيوت وفي أعطاف وديان

في كل ليل تحاجيهم عجائزهم بابن النمير وسوبا وابن سلطان

وتارة يرهف الفتيان سمعهم إلي نوادر أجواد وفرسان

وابن الملحق لم تبرح حكايته في الحي يسردها أشياخ حمران

يا قبر تاجوج حياك الحياومشي بصفحتيك شذا ورد وريحان



الاحاجي أداة تثقيفية هامة :

يعتبر خالد عبد الرحمن أبو الروس من الرواد الأوائل الذين حاولوا أن يستلهموا روح المسرحية من تراثنا الشعبي كالأحاجي والأساطير الشعبية وخالد ابو الروس من مواليد أم درمان ولد سنة 1919 وتخرج من معهد أم درمان العلمي. وقد شغف بكتابة الروايات والأغاني الشعبية.



كما أنه يمتاز يروح فكاهية. وذكاء ملحوظ تأثر خالد أبو الروس بالقصص والملاحم الشعبية السودانية. كبطولة ود النمير. وقصة تاجوج التي تمثل الحب الانساني في اسمي صوره. ومما يحدد ذكره أن قصة تاجوج تعتبر من روائع القصص العالمية كرواية مجنون ليلي. ورواية رميو وجوليت مثلا وتاجوج عشيقة المحلق تنتمي إلي قبيلة تدعي " حمران"



ومن المسرحيات التي استلهمها خالد ابو الروس من الأحاجي الشعبية مسرحية سوبا والسبعة الحرقو البندر. وأمات طه . وقد مثلث معظم هذه المسرحيات علي خشبة المسرح في العواصم والآقاليم السودانية. ولا تزال هذه المسرحيات الشعبية التي أقتبسها ابو الروس من تراثنا الشعبي لا تزال أداة تثقيفية هامة تبث في النشئ الروح الوطنية والحماس . ولا يفوتنا أن أنحي تلك الأقلام التي أخذت تنبش هذه القصص الشعبية . وتعرضها في قالب تحليلي متين .



وهذه بعض الألغاز السودانية :

دخل القش ما قال كش – الظل .

عمي قصير وبصير – القدوم.

عمي طويل ما يلحق الكعكول – الدرب .

سبعة صقور من زمن الرسول لا ولدا زادا. ولا كبراً شاباً – أيام الأسبوع.

حبوبتى فى دكانه وتأكل فى مصرانه – اللبة.

كان شالوه ما بنشال وكان خاوه سكن الدار – الرماد

هى فيك لو عرفتها بكريك – الصرة.

شدرة فوق القيف لا برم ولا عليف – السن.

فيها فت سنينه وفيها فت عوينه وبسم الله علينا – الإبرة.

مطمورة أبو زيد ملانه – النجم.

شاتى بيوص عندها صخلة وعتوت – المرحاكه.

ملكين فى ككر إن غاب واحد الثانى حضر – الشمس والقمر.

مطارق الهوج والشرق اتخبطن – رشرش العين:


................................................................................................


نواصل

كنز السودان

تراثنا الشعبى

إن مجتمعنا السودانى يعد مخزنا للعادات والقيم الأصيلة، فموقعه فى نصف القارة الأفريقية أكسبه عناصر حضارية لها خطرها فى تكوينه السياسى والاجتماعى والفنى، فالسودان بلد أفريقى عريق يتمتع بالسمات الأفريقية الصميمة، والسودان بلد عربى فى ثقافته وفى تكوينه الجغرافى والتاريخى.



ولا شك فى تراثنا الشعبى يقوى القومية السودانية، فهو تعبير صادق عن أحاسيسنا ومشاعرنا، فما أصدق الشاعر الشعبى فى وصف بيئتنا..! هذا ما دفع الناقد السودانى حمزة الملك طمبل أن يثور فى وجه الشعراء الذين يلوكون ألفاظا محنطة لا تعبر عن الطبيعة فى السودان- يقول الناقد " نريد أن يكون لنا كيان أدبى عظيم، نريد أن يقال عندما يقرأ شعرنا من هم فى خارج السودان أن ناحية التفكير فى هذه القصيدة تدل على أنها لشاعر سودانى، هذا المنظر الطبيعى الجليل موجود فى السودان، هذا الجمال هو جمال نساء السودان، نبات هذه الروضة أو هذه الغابة ينمو فى السودان".



أو عندما يدعو الأديب السودانى الأستاذ محمد أحمد محجوب إلى بعث القومية السودانية " لنحى أدبنا القومى ونثير شعورنا بوطنيتنا لنصل إلى حركة سياسية تحقق استقلالنا سياسيا واجتماعيا وفكريا".



فالتراث الشعبى إذن يحث على الترابط القومى بتوحيد المشاعر الوطنية ، فنحن إذا أردنا أن نحى الأدب السودانى أول شئ نلجأ إليه تراثنا الشعبى، ثم إن تقدم العلوم الاجتماعية فى بلادنا جعلنا ننقب عن تراث الأجداد دراسة الشعب أصبحت مادة هامة للباحث الاجتماعى.



فنحن نمجد تراثنا الشعبى لأنه يدعم قوميتنا السودانية ولأنه يعمل على حل المشاكل اللغوية، ويعمل أيضا على تخليد المقاييس الجمالية والخلقية الأصلية.



أن العلماء الذين كان لهم الفضل فى وضع أسس علم الفولكلور أمثال يعقوب وويلهيلم جريم كان الدافع لهم حب الوطن، وأنهما يؤديان واجبا وطنيا إذ يجمعان مأثورات الشعب الألمانى، ويظهر أن عراقة ذلك الشعب وجمال أقواله.



أذن أن هذا العلم نشأ نتيجة الشعور الوطنى وتمجيد القومية كما أسلفنا من قبل، كما أن دراسة التراث الشعبى تمكننا من كشف العناصر المشتركة فى حياة الأمم كاللغة والدين والعادات والتقاليد التى تكمن فى حياة الشعوب كمون النار فى الصخرة الصماء.



وفى الواقع أن عدم الالتفات إلى التراث الشعبى فى الماضى بصفة عامة يرجع إلى عاملين أساسيين، عامل نفسى، وعامل تاريخى.

العامل النفسى: درج معظم علماء اللغة والآداب العربية منذ قديم الزمان على الاعتناء بالادب العربى الرسمى، واهملوا أن عمد التراث الشعبى العربى، فالكتاب يفنى عمره فى تحقيق قصيده، أو خطبة بينما لا يلتفت إلى دراسة التراث الشعبى، وذلك ربما لأن الأدب الشعبى يقوم بتلقينه غالبا العوام فى المقاهى وليالى السمر والعجايز فى القرى والمدن، بينما الأدب الفصيح يدرس فى المدارس الرسمية والجامعات وله اساتذه متخصصون يتمتعون بالوقار والاحترام، فالادب الشعبى إذن كان ينظر إليه نظرة استجهان لأنه يلتصق بحياة العوام، فهو مشوب بالخيال والخرافات والأوهام فاتجهوا إلى دراسة الأدب الرسمى دراسة تحليلية علمية.



العامل التاريخى: لقد وجدنا أن معظم الكتب التى عينت بالدراسات العربية فى الماضى كانت تنظر على دراسة الأدب الشعبى نظرة استهجان.



وفى الواقع أن دراسة الأدب الشعبى فى هذا العصر بالذات ارتبطت بظواهر اجتماعية حتمية ربما لم توجد فى الماضى، فالاهتمام بعلم الفولكلور يرجع إلى تقدم العلوم الاجتماعية حيث أصبحت دراسة الشعب لازمة.



لقد كان علم الفولكلور يتعلق بحياة الانسان البدائى، عرف الفريونت" الفولكلور بأنه "انثروبولجى" يتعلق بالانسان البدائى أما "هارت لاند" فقد رأى أن الفولكلور انثروبولوجى يتعلق بالظواهر النفسية للانسان غير المتحضرى وفى سنة 1890 م ظهر أول مختصر للفولكلور وفى مقدمته تحدد الفولكلور بانه دراسة بقايا أو متخلفات الماضى الذى لم يدون" وقال رايت فى خطابه الافتتاحى فى جمعية الفولكلور الانجليزية: ليست الحكايات الشعبية فقط هى الأشياء التى انتقلت الينا عن طريق التراث الشعبى ، فمن واجبنا أيضا أن ندرس التقاليد والألعاب، والرقص، وانماط المنازل، والقرى، وندرس أيضا الأدوات المنزلية. وأنا لا استطيع أن أتصور نهضة لأدبنا السودانى ما لم ترتكز أولا على تراثنا الشعبى لأن الكاتب غالبا ما يستمد اصالة انتاجه من تاريخ قومه، كما أن المنطق يدعونا لدراسة الجذور قبل الفروع. فالتراث الشعبى هو الأصل للاتجاهات الأدبية المعاصرة، والظواهر الاجتماعية التى تؤثر فى سلوك الفرد.



والمعروف أن أدبنا السودانى أول ما بدأ بالاساطير، والملاحم، والأمثال والحكم الشعبية، ثم تطور إلى أدب مدائح وتصوف، فالاتجاه التقليدى "الكلاسيكى" ثم الاتجاه الرومانسى ، فالاتجاه الواقعى

........................................................................................

نواصل

القدال ومسدار ابو السرة

مسدار ابو السرة
كلمات/ محمد طه القدال

أُمّاتِي القِبيلْ
بي حِنّهنْ لجّـنّي
كَرفة وقَلدة
كيف شوق اللّبن رَجّني
حُزناً جاني في مَيْع الصِّبا يلَجِّني
أطلعْ مِنِّي يا جلدي المِنمِّل جِنيِّ
واطلعْ مِنِّي يا حُزناً بِقى مكَجِّني

خَلّني أبدا مُسداري
وأودي قفايا لي داراً بِقَتْ مِي دَاري
جِيتَا ..
وجِلْدِي بينو وبين عضاي الشّحَمَة
إلا النّار بِقَتْ قِدّامي
جِلْدِي اللّيلة بينو وبين عَضَايَ المافي
إلاّ تراني شَوّالْ الكِبِسْ
نِفّيخْ جَراريب الوَرَمْ هَدّامِي
في جِلدي الورم قُولَنْلي
وللاّ صَحِي الورم عَضّامِي
سفريتك مِي الفي النيّة
وميها الكانت محريّة
خابراكْ عِرِّيفْ ..
ذم العُربانْ واللاّ قِيام الوردية
مالكْ ؟؟؟
تَرْيَانْ ومندِّي
كاسي الكِتّان والهندي
قولَكْ كِكّيفْ ترجى البيشان
واللاّ الغُربة البي الزِّنْدي
برقاً عِبْدِللِّي الوَزْنِ
يا طاشْ .. يا جاب المُزْنِ
فَرِّقْ يا الضّيفْ
فِعْل الغَضْبان ..
أم فِرفيرات الحُزْنِ
وشِنْ القَعدة
يا أبو السُّرة
في ضُل العمارات أم كمرةً برّة
ضُقْنا الحَنْضَل اليانكي
وبَلَعْنا المُرّة
كِمْلَتْ كوتة التُّمبَاك
صَقَعْنا الجِّـرّة
ووكت إتقفّلَتْ شِقّيشْ
قَبَلْ بي المرّة
نَرْمي أمُرنا في بلد المعاني الحُـرّة
الشّمْ خَوّخَتْ
بَرَدَنْ ليالي الحّـرّة
والبرّاق بَرَقْ ..
مِنْ مِنّا جاب القِرّة
شوف عيني الصِّقير بجناحو كَفَتْ الفِرّة
تلقاها ام خدود الليلة مَرَقَتْ بَرّة
مَرَقَتْ بَرّة تغلي مديدة الحِلْبة التَسَمِّن رِدْفَها
السَمِنْ المبَسْتَرْ يانْكي
والويقود بعيرات الدُّخان في العين
وفي الفَشْفَاشْ يسوِّي عمايلو
شِنْ فايدة مديدة الحلبة والويقود بشيلو اليانكي ؟؟
يا ابو السُّرة
قامت من دخاخين العمى تلمِّع وشِيها
اليانكي مِسْتَنِّيهَا
كان اليانكي مستنيها في مراية السَجَم في اللّيل
لقيتها مِتِلْ فريخ الطّير
مَرَقْ ود عينها من ود عينها
رجّافة المزمّلْ حُمّى
جَفَلَتْ مِنّو
وَقَعَتْ عندي
صدرها بغلي
يا ابوالسُّرة
شُفْتَ اليانكي في ود عينها
سُقْتَها للبحر
يمكن يغسِّل عينها من اليانكي
فُتْنَا الحَجْرة بالكَتّة وغطسنا مسافة
تبقى قَدُر مسالك الرّيدة
ما لاقانا من يغبانا في البحر الفَدَرْ تحتاني
ناس عارفاها
ناس عارفاكا
ناس عارفاني
ناديت القعوي والبُلْطي
قرقور السّمَك ودّاني لي دابي الخُشَشْ
نادينا عُمّال الطّمِي
عُمّال الطّمِي الصّارقيلا
والقَرْمُوط
وود الموية
فُتْنَا عليها
كانت نايمة
عَجّال البحر حارساها كانت نايمة
بين حجرين وضُل ساسوية كانت نايمة
وعُمّال الطّمِي الصّحونا لّمُو حصى البحر
قسموهو ياتْ من كان سبع جمراتْ
دابي الخُشّة قال :
أدُّوها في الجمرات تلات سبعاتْ
قُلْنا :
أدُّوها في الجمرات تلات سبعاتْ

مَسَكْنَا دَرِبْنَا
عُمّال الطّمِي الصّحوها
خابرين الدّروبْ
مَرَقوبنا فوق مُشْرَعْ مسارب الضّيْ
لقينا الدُّنيا تترجّانَا
قُوقَا القِمْري
خَوّى صِقيرْ
وعَوّى حِديْ
وعُمّال الطّمِي الصّحونَا
لَمُّو على البعرفو الصّيْ
حَصَى القيزان
دوابي الدّارْقَة
والسِّحْليّة
والنّاسْ التِّحِتْ
النّاسْ التِّحِتْ خابرين عَمايْل اليَانْكي
مَرّة معونة لي اللّغّاف
ومَرّة دَوانْكِي
شِنْ معناهو جيبها إن كان ملوهو بوانكي
صوتها مكتِّمو القَرَبين سيوف وسَوانْكِي

قولَنْ لي الأَخْلو ديارو
دمّكْ فَرْهَدْ في نارو
غَوّرْ في الأرض
طارو صَقْرين
ولاد الأرض ما طارو
لحمي غَطّى بِنْ عَمِّي
شو صار حالو يا إمِّي
منديل العِرْضْ في بيت الدِّينْ
دمِّي ما يخلِّي دمِّي
إمنّا من دير ياسينْ
صِرْنا في جِزْر التّين
عَمْ نسقى بعضْ
حُبّ الزّيتونْ بدّو يرجع للطينْ

صابرا تحت الدورية
صابرا فوق الدورية
صابرا فوق الدورية
يا حال الضِّدْ
لحم الطِّفلين نابت غُصنْ الحريّة
جِذْري مو في شاتيلا
ما قال حالي يا ويلا
حِنّا في الأرضْ
أرضِ فلسطين
يا إمِّي هيلا هيلا
يا إمِّي هيلا هيلا
يا أُمِّى هيلا هيلا
هيلا
هيلا
هيلا

هيلا وهيلا يا ابو السُّرة كُجْ العين
تخبر الشّينة من الزّينْ
تَفُرْز الطّاري من السّاري
يا ابو السُّرة كُجْ العينْ
ومدُّو صباعك السّبابي
قول لي الغَافي هويْ يا زول
هوي يا غافي يا زول هويْ
أرخي الغُردة للعَنّافي
شِدْ القمري بالحوبابي
في مسدارنا
شِلْنا نهارنا
في إيدينا من ساسو البحر عقدينْ
مَسَكْنا دَرِبْنا
عُمّال الطّمي الصّحونا
خابرين الدِّروب مرقوبنا في مُشْرع مَسَارب الضّيْ
لقينا الدُّنيا تترجّانا
قوقا القِمري
خَوّى صقيْر
وعَوّى حِدَيْ
وكُنّا جماعة
دابّات الأرض والسّايمة
عَوّامة البحر والطّيرْ
وحتى الغيمة قصّاصة الأَتَرْ
فوق راسنا شايفة الدّربْ
ضِنيب اليَانْكي
قال القمري لي الضُّليلة :
خَلِّكْ صاحية زوغ اليانكي لا يودِّرنا
قال الدّابي :
إن يغباها ما بيغباني
ولمّا الشّمْ مودِّعة غاربة
وَصّتْ جملة الصّقّار عيونهنْ كَارْبة :
أبقو أَلِفْ
بَفوت لي المِتْلَكُم ناهضينْ
وفوق ديناب عريباً غادي
قال السِّحْلي لا نغشاهم
ديل عُربانْ توابع اليانكي
قال الجمع لا نغشاهم
ديل عربان توابع اليانكي
خَلُّوها العريب الغايبة
والسّراقْ طبيقو معاهو
تيجاناً عروشها الخروعْ ..
الهَشْ ..
العَويشْ
الناّر تَعَلِّبْ فوق عُقَال العَرْشْ
ولا خَسّانا بي هادي العروش الهـُرْبة
يا ابو السُّرة .. لا عَقّالْ
مَسَكنا دربنا
والشمس البتوقد فوقنا
ولمّ لميمنا
لمّ لميمنا والشّمش البتوقد فوقنا
شدّ شديدنا لا التِّمثال مَشيّلْ روقنا
عَالَم حُرْ يدوعِلْ فوقنا
لي يوم سوقنا
نبزُق فيهو .. في ود عينو جَرْ واسوقنا
يا شمسي طِلِّي .. طِلِّي
شاوري عَ بيتي دِليِّ
كَيّال الكيل .. ختياري ماتْ
ظِلِّي عَمْ يحرس ظِلِّي
عَادِلْ عَ خَييّ ميلي
خَييّ ما يحمل شَيلي
ما خَفّ الشّيلْ
ثاني المرّات ناطِرْ رصّاصِي سيلي
عيني في الفيل ما ظِلّه
كِلْنا ندريه ما نضِلّه
يا ويل الويلْ
نرمي الجمرات عَدِّ المستشْهِدْ كِلّه

«°·.¸.•°°·.¸¸.•°°·.¸.•°»

«°·.¸.•°°·.¸¸.•°°·.¸.•°»

بلدي انا

يسم الله الرحمن الرحيم

وبه نستعين
وصلى الله علي سيدنامحمد وعلي اله وصحبه وسلم

بلدي انا:

الموقع :
الشقيق منطقة تقع في الجزء الشمالي الغربي لولاية النيل الابيض وتضم مجموعة من القرى التي تقطنها قبائل الكواهلة والجعليين والماجدية وبعضا من الحسانية,بها من الثروات الحيوانية الكثير , لذا فبها اكبر اسواق الماشية علي مستوي المنطقة ,وبها من الثروات الزراعية وتختص المنطقة بزراعة الدخن والسمسم وغيرها.


قرية الجعليين بالشقيق
قرية الجعليين تعتبر اكثر قري الشقيق استقرار , انشات بها أول مدرسة ابتدائية في المنطقة منذ عام 1958 , وبها أول بئر ماء في المنطقة ( دونكي ) تم حفرها منذ فترة الحكم الانجليزي . جل سكان القرية من الجعليين النفيعاب ( كللاب , مرياب قريناب , عبداب , صواردة ) . بدأت الهجرة إلي هذه المنطقة قبل أكثر من 180 عام , ومعظم البيوت التي هاجرت هم من حفظة القران الكريم , استقر بهم الحال بداية في منطقة ود الذاكي ( قرية ود مريمي ) , ومنها عبروا إلي منطقة الشقيق في طريقهم إلي كردفان حيث سبقهم إليها الشيخ الفكي محمد عبد الحافظ الكبير منذ عهد السلطنة الزرقاء , الذي صاهر قبيلة الجوامعة , فطاب المقام لبعضهم بوجود أبناء عمومتهم من الماجدية الجعليين في منطقة الشقيق , وبعضهم واصل السير إلي كردفان حيث أشقائهم هنالك في قري الهجليج , الدومة وكركداية , ومنهم من رجع ثانية إلي الشقيق .
من الذين استقروا هذه المنطقة من الجعليون آل سليمان أبو ورقة , ومن القريناب آل علي ود حامد . وال الحاج كللاب ومنهم أل ازرق , وال حاج محمد ود حامد , و آل الفكي البشير آل الفكي مصطفي . وهنالك من العبداب آل الأمين ود العبيد ود فضل السيد , وال بنده وال بشير ود مقبول . وال الطاهر طلق النار , آل ابوشام , وهنالك الأشراف الصواردة الذين هاجروا من قلعة ود الشفيع بمنطقة المتمة ومنهم آل بدوي ود يوسف ود الشفيع , وال عبد المطلب ود علي ود عبد الرازق . وايضا يتكون النسيج الجعلي في هذه القرية من المرياب وهم آل عبد الحبيب , وال عبد الواحد , وال عبدالرازق , وال حميدة آل المحلب , وايضا هنالك أيضا آل برير ومنهم رجل البر الطيب حامد برير ( طيب الله ثراه ) , ويوجد من القريات من اختلط بالجعليين في هذه القرية ومنهم آل أبو شميلة . ساهمت هذه الفئات في نشر الإسلام بتحفيظ القران الكريم , فكان معظم هذه الأفرع من الجعليين النفيعاب – من حفظة القران الكريم .كان كل بيت يعتبر خلوة قرأن قائمة بذاتها , فكان ( الفكي مصطفي , الفكي علي , الفكي البشير , الفكي الحاج عمر أبو ورقة و الفكي سليم , الفكي حاج محمد ود حامد , الفكي إبراهيم ود حامد , وحاج محمد ود عبد الرازق , وال عبد الواحد وغيرهم . وتربطهم صلة القربى بال الشيخ برير بشبشة . ) طيب الله ثراهم جمعيا .
شيخ هذه القرية الإداري هو الشيخ بشير مقبول به سمي سوق الشقيق بسوق بشير ود مقبول , لما له من شهرة واسعة , ومن الشخصيات المرموقة والمعروفة في منطقة النيل الأبيض , ساهم في نشر التعليم بالمنطقة .
. ويمتهن اهل هذه القرية الزراعة وتربية المواشي و والتجارة , وهي تبعد عن امدرمان حوال 170 كيلو متر ,

قرية الماجديه
منذ أكثر من أربعمائة وخمسون سنة وثق الشيخ الجليل طه الماجدي لمنطقة شقيق الماجدية ,بوثيقة تاريخه في عهد السلطنة الزرقاء , وشق قبلها الغابات لإقامة تلك البقعة المباركة لتحفيظ القران الكريم , ومنها اشتق اسم شقيق الماجدية , بعد ان كانوا أصحاب مزارع علي النيل مع ابناء عمومتهم الكرتان . وتضم قري الماجدية أكثر من تسعة عشر قرية , تتوزع في غرب وجنوب ووسط الشقيق , ومنها علي سبيل المثال قرية مبروكة حاضرة قري الماجدية ( الضهير ) وقري أم وزين , والقصيريات وخيرلينا , الكرانك والحمراية , قرية ود مكي , المقيرينات . ومن أحفاد الشيخ الصالح طه الماجدي , الشيخ احمد مزكي , وحاج إبراهيم احمد مزكي, الأمين الجزولي .وشيخ مشايخ الماجدية الشيخ طه احمد مزكي . والعمدة الحبر الخضر ,عمدة قبيلة الماجدية , ومن شخصياتها المعروفة عوض الجيد العمدة العبيد الخضر ويعتبر شخصية سياسية بارزة في منطقة الشقيق ,ومنهم ايضا علي الخنجر , وشاعرهم المعروف فضل المولي احمد مزكي , ومن ابنائها ايضا الأستاذ المحامي محمد حمد الحسين , والاستاذ مأمون عوض الجيد. بالمنطقة اربعة مدارس أساس . يعمل أهل المنطقة بالتجارة بين أسواق المنطقة والرعي , وزراعة الدخن والسمسم . هاجر الي منطقة شقيق الماجدية الكثير من التجار من مناطق اخري , وبالرغم من ارتحالهم من الشقيق منذ زمن بعيد الا أنهم ظلوا في ذاكرة أهل المنطقة , وظل شقيق الماجدية في ذاكرتهم , منهم سعيد تمساح , حاج علي عبد الخالق و حاج بشير عبيد وال تبيدي و وحاج حماد وود القوي بضم القاف ,رحم الله من انتقل منهم إلي الدار الآخرة , وأطال الله أعمار من بقي منهم علي قيد الحياة .



قري الكواهلة
العاقر تقول بلدي وبسمي عليك
يا عيد الضحية البفتحولوا البيت
رايو مكمله كسار قلم مكميك
هكذا ارتبط اسم قري الكواهله بالشقيق بهذا الفارس المغوار الشيخ عبد الله ود جاد الله , هذه القبيلة موجودة في تلك المنطقة منذ زمن بعيد , كان الزبير باشا ينزل عند جدهم احمد ود علي ود سليمان الذي قطن هذه المنطقة . نفي الانجليز ناظر عموم الكواهلة من كردفان الي الشقيق - قرية الشاوة , بعد تجريده من نظارة الكواهلة . حاضرتهم قرية الشاوة سميت بهذا الاسم نسبة لكثرة اشجار الشاو بها . من فروع الكواهلة بمنطقة الشقيق , الخلايفة , السنداب , العبابدة , والبراقنة .
قري الكواهلة تتعدي السبعة عشر قرية , منها حاضرتهم الشاوة , الكاب , والمراخة , السيال , قهاوي ود جاداوي , وام رقيبة , والصهيبة , وغيرها من القري . اشتهر الكواهلة بتربيه الابل , فكانت قبيلة جلها من العرب الرحل .
للكواهلة عمودية علي راسها العمدة فارس علي عبد الله جاد الله , ولهم عدد ستة وعشون مشيخة . ومن شيوخ الدين فيها اولاد الشيخ زين العابدين , ومنهم الخليفة احمد والحاج , وعبد الله . وابناء الشيخ عبد العال , ومنهم ابناء الشيخ عبد الله عبد العال , وايضا ابناء الشيخ موسي , ومنهم الشيخ العبيد البرعي , ويوسف ود الامين . ومن الشخصيات البارزة الأستاذ عبد الله العمدة ومحمد العمدة , الشيخ عبد الله عبد الباقي و اولاد ود نوار الخليف حامد وإدريس ومضوي ابشر و طه ود مصطفي , والدكتور عبد الباقي الطيب , والأستاذ عبد الباقي الوسيلة , توجد بقري الكواهلة أكثر من خمسة مدارس أساس , وهنالك مدرسة ثانوية بقرية طيبة الشيخ موسي و أيضا الشيخ الهارم .
هنالك الصلة الغنية عن التعريف بال المهدي , والدة الإمام الصادق المهدي , ووالدة احمد المهدي هما بنتي الشيخ عبد الله ود جاد الله .
يمتهن معظم الكواهلة في هذه القري الرعي والتجارة بين أسواق المنطقة , وهم من القبائل العربية الرعوية المشهورة ومن أكثر القبائل نظما للشعر فهم من أسد وأسد من مضر , فقد ورث هولاء لسان آبائهم فكانوا الأكثر نظما لشعر البادية فيقول شاعرهم
ايانا الكواهلة الفي العزة شبعانين
والقرش ان قعد وان فاتنا في ستين
في الفي والعدم للضيف هدي السكين
وان دارك عدم في دار أخوك تسعين .

قري منطقة الشقيق
اقري الكواهلة :
السيال , حلة شاع الدين ,المراخة ,المجمع ,الصهيبة , الشاوة , الكاب , المقيرينات , قهاوي ود جاداوي , الحقيبة , ام حجيل , ام رقيبة , الفكي سرور , ود بلل .
قري الماجدية :
الشقيق السوق , الحمراية , خيرلينا , العكرشة , ام وزين , القصيريات , الكرانك , روينا , حلة الطاهر , الضهير , اللقيد , المرخة , القويز .
قري الجعليين :
حلة الجعليين , قرية الصواردة , حلة العوامرة , باجة سالم
رسالة للاخ الوالي
الاخ الوالي
السلام عليكم
لقد اراد الله جل وعلا ان نكون نحن اهل الشقيق امانة في عنقك , وانت مسئول امام الله تعالي عنا نحن اهل الشقيق , وانت تعلم جيدا مساحة منطقة الشقيق , وعدد سكانها , وايرادات المنطقة لخزينة المحلية والولاية , نحن منذ السبعينات لم نتلقي ادني اهتمام من جميع المحافظين , والولاء و المعتمدين , واخر الخدمات التي قدمت لنا هي من حكومة الانجليز , ارجو ان ترجع الي ملفات الولاية حديثا وقديما لتثبت عن ماذا قدمتم لنا , وهنالك لقط كبير يدور حول المستشفي المزعوم الذي تبرعت به منظمة تراسها زوجة نائب الرئيس علي عثمان , تقلص من مستشفي الي مركز صحي كبير , وانت المسئول الاول في الولاية , اين تذهب ايرادات اسواق الشقيق , زكواتها , وايجارات دوانكيه , ورسوم رخص بائعات حتي الكسرة , ورخص محلات الاسواق , وايرادات جبايات الاغنام والمواشي , وغيرها , ماذا عاد لنا من ذلك منذ السبعينيات . نحن اكثر من 35 قرية , بها اكثر من 13000 نسمة . نسالك امام الله عن اي تقصير وقع باهلنا

مصابيح السماء التامنه

يا جاي مارق
من دخول الغيث
شرايين التراب
السّايفَة..
أوردة الوطن
قَشَرَه اليباب..
نَشَرَه العطش..
كُلَما سرت
قطرات درب الرحمة
في جوفو
ارتعش..
بال الشدر
حال العصافير
الخياله
مع الدغش
مشدوه
متل خاطِر طفل
من ضُل ضهر راكُوبة
فوق حافة حجر
واقع سَحر..
واقف
يعد نقط المطر
ويتمطّق إحساس السحاب
بين لهفة الطين
والشمش
لمّت وراء طَرَف الحُقاب
أخر رمش
باقِيله
في عِب الشفق
والليل ملقّيِله الطرف
طَرَف الغسق.
...
شفق المغيب..
قفا غيم بِهت
كان نفضة الريشة الأخيرة
حَمَاره
فوق لُوحة الوكت..
يا كركَدَايةَ الله
إترشق ناقع عصيره
من إيد ملاك
فوق المغارب
بي تِحِت.
كانت مراكيب
حين صلاة
والترعة قِدّامن
طَشِت
ولا المراكب
من بعيد
ودعات علي
النيل
والنخيل المتكِي
دار يقرا البَخِت..
قنّب يحِت...
قلّع زريزير
غفوتو
عضّ إنطلاقة
غنوتو
وقام منحفِت..
والكمبو
ينشاف
من مسافة
قطر بضاعة
العربجية الطيبين..
سبّابة
والمتسببين..
شعراء ومغنين الأنادي..
أنصاص لصوص..
حلب البلد..
عرب الجبال..
منسللين من لا تحت.
والريح يشيل للنيل
من هرج المغنّين
الدعايات
نشرة أخبار
الولايات..الوفيات
الملايات..العبايات
المرايات..التصاوير
التعابير
الحكايات النِكـــِت.
عشم البنيات
في الضراع
الضاع
وكت حرّ الكَفِت
زاغ الصراع ذات جمعة
قدّت من وطن
توب السبت؟!
نَقَد الحَمام
خُرجَ الوكِت
طارت لو نقطة لحظة
من مية ملح
في حلقو
مرّرت الهديل..
كَمَد الجرح..
جَبَد السكات...
لكنّو فات
وأَبي يتلفت؟
...
بال الطفل
يرقِل
علي ضهر الحمار
يجمع مصابيح
السما التامنة..
ويطش
ينكربَش الحلم
البَعَد
قرّب يوافينا..إبتعد..
لو مدّت إيد
كان إنجبد..
يا الدنيا..!
بي ريحة الدعاش
لو تنعرش....؟
أو تنفرش
تحت الفراشات
بالبَرَد؟
فوقَو الوعَد
صادق يمش.
لو يلقي راس
رسن الزمان
ديك لحظة
ما كانت تمش
شان يندهش
أو ينبرش
بين نجمة الملكوت
ونسمة رضية
من رب العرش
...
يا غادي منك
فوت كلام الشوق
من القلب
الخشم بابو البلد
لو خشّ هدهد
في رماد ما فيهو
يمرق قانقرد..
والقانقرد
بابُو الحمام
راجيهو
لمليم الطيور..
ضمة جناح..
صمّة عدد..
قادرات علي
صد الحِدَي
جاسرات علي
صقر النكد.
إيدين بِنيات الفريق
بتهدهد الطفل الرضيع
بتعدّي شيخ
دومة الحفير
تشلَخ لَبَق..
تسقي الخدير
بتعوس
وتفرك للملاح
بِتَوَرّقَ اللوبي
وتحش..
تمسك مراح
تَحَلِب..تخش
تغسل هموم ايامه
في طشت الحِلم
تنفض..تَشُرّ الشوق
هِدم
تنشل من البئر
أُم تلاتين باع
تعَتّل..
تفزعَ الطيّانة
لو ما تجدَع البّانة
بتجيه بيوت
تغزل خيوط
بتطرّز المنديل
تخيّت لي طواقي العيد
صَبُر..
بتتبب السجاج
مع الفجاج..تقوم
إيدين بنيات الفريق
بتحش تمر..
تخرت سبيط
بتعتق الدكّاي..
وتخبز للصفاح
بتكفي عيزومة
وضيوف..
بتغنّي قيدومة
وتطوف
بتهني..
بتودي وتجيب
بتحنّي..
بتدلّك حبيب
بتولّد الأمّات..
تربي علي الصلاح..
زي ماب تضمّد
للجراح
إيدين بنيات الفريق
إن داهم الحلاّل
خطر
قادرات علي
شيل السلاح.
,, .. ,,
يا..مناحته
وبلاّله
يا..رجع اللي راح
يا ود عيون..
فِرحَن..بكَن
تِرحَن يغطســِن
في الدموع..
الدنيا عامرابك تظل
وإن كان رحيلك
فرتَكَه
أو يا لسان نار الصراع
لهليبه بعدك
لو هكَع
مين شالّو شيلة
بلا اتكّأ؟
...
مع إنو صبرك..ما نفَد
برشمتَ
أو كبسَلتَ
كيف؟؟
سِعة الوجود
في ضيق لَحَد ؟
باغتنا ريح الفجعة
ليل
فَرنَب في جوفنا
مَرَابَنات الصبر
شات ســِعن الجَلَد
صادنا الذهول..
زي التكنّو
قٌبُل دا .. ما فارقنا زول
بعد الرسول؟؟؟
... ...
واللاّ التقول
أوّل قلوب
في الدنيا
يغشاها القدر
بعَدِن
تضيع منّو الدروب؟!

تِنطَمبَج الساحات
حريق
يدغي الطريق
المحتمِل
كلّ الفريق
سوقَر وراك
يا جرحنا ..
الكيف يندمل؟
ما بار وراك شهدَ الغُنا
ونَحَل الحناجر
ما هِمِل؟
صادر خلايا أبو الدَبُر
صاقر حناياه
نَمل..نمل
...
...
وين ماشي..
يا نبض الرحيق
سايب المشاعر
ريق دقيق
نهب المغنّين
التِفِل ؟
غنواتن
الورطانة
أو لوطانة
في الريد المَقَق
حُترُب صفَق..
في طين ذِبل
أوصاف علي جسد الحبيبة
بَهَق..بَهَق
تحت احتماله مَرَضرَضَة
زي لعبة ما استهوت طفل !!!!!!!
... ...
وين داجّي
يا قمر الهنا الكرّمنا
عند مغرب مَرَق
سايب لياليك
لي نجوم
واقفات وجوم
علي فَد رجِل؟!
وفرع الغُنا
الميّل هنا
علي مين وراكَ.......حيتّكل ؟
والشيل تِقِل ؟
.... ....
قَدر اليشيلو الشيلة
في
لكن ظروفن
هل تفي ؟
تحتاج جماعة من الرجال
الكنت ليها براك تقِلّ !
دارت قبيلة من الحبال
الكان يقيله فَرد حبل...

قرابه: الزمن الضائع

قرابه: الزمن الضائع

الوداعية

الوداعية


جلست في ظل النيمة

تتأمل في الودع المرصوص

قالت يا ولدي شيل شيلتك

وتسلح فالحرب ضروس

امامك مشوار طويل

الا ان تركب مخصوص

الموقف مكتظ مليان

ستدافر يا ولدي كثيرا

وستركب وسط النسوان

وستنشل كل نقودك

وستصبح دوما حزنان

الناس يا ولدي جيوش

مندفعة مثل الطوفان

فنصيحتي أن تذهب كداري

ولا تركب بص ام درمان

زواجك يا ولدي محال

أصبر يا ود الصًرة

حالياً وضعك بطال

وحتبقى حياتك مرة

فالمهر في كل الحلّال

قد اصبح بالعملات الحرة

احببت فتاة مغرورة

لعبت بي قلبك كورة

أنساها وأبحث عن غيرها

ويا ريت لو شرطت الصورة

أنسى وتبسّم

فالزوجة قسمة وتوتوكورة

سطلة مسطول

سطلة مسطول


دي الجرادة القاعدة بترضع في ولد الكديسة
صاحبة الديك والجدادة الحايمة بتكوس في المريسة
والضبانة الزغردت فرحانة بي جيت عريسها
والضب الخاتي سفة يشكي من الظروف العويصة
احييييييييييييييييييييييي انا

دا البمبر قال مصدع من قعاد طول النهار
و فردتو المفراكة تبكي وتشكي من طول الدوار
و الملاح حارقاهو شطة صاري قال ما عاوز هزار
والرغيف فقران وناشف من صف النتظار
و جكسويتي قالت انا ما بغازلها ركبت وش حمار
عاوزاني تحت البلوكنة ليل ونهار
على بالها روميو قالت سيد الرجال
ابيت زعلت تاني ركبت وش حمار
فكيتها الزيها راقدين كتار


تقولي لي سليتك
تقولي لي جفيتك
تقولي لي عفصتك
بعفصك وبعفص حنانك
دبايب وعقارب تداعب بنانك
بتسال عن حالك
وكيفن هو حالك
سالت تمرجي البطاطس بعادي
تجاهل وقبل لغادي
بحبك لمن بغادي
وبعاتبك بلغة سواقين التكاسي
حبيب مال انا ليش هذا عذاب
حبيب انت في كذاب
انت قول في حب واجد بعدين سوي غير نمونا
انت كنسل حب مالي
انت خرب كل حالي

شنو؟؟؟؟؟
ما عاجبك
ياخيييي ديشك
وديش الحب الخلاني سجينك
وديش الشوق البربط بيني وبينك

الشطة

الشطّة


حبيبتي I love you

ومن حبك I shall die

من شِدّة ما إنتِ beatiful

شعري الفي راسي fly

I see في عيونك sea

I can't swim براي

when I see you في الـ road

going to the shop بي جاي

cutting the زلط

on foot with shoes small and high

I don't know what I can do

I can't believe my eye

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل

ولمن تمسكي المنديل وتمسحي بيو كحل عينيك

لمّي الدمعة فوقوا تسيل

أعاين في عيونك ديل

وأقول أريتني كان منديل

ما بنفع كلام يا ريت

نوعي ده ما شَبَه منديل

ملامحي قريبة للصارقيل!

كيفن بس أكون منديل

ولمّا تقومي منعدلة

وتقدلي ليك كم قدلة

أفنجط بي وراك ســــــــــــاي

التقول سخلة

أعاين وأقول هَمَلة

وحلاة القدلة في أهلها

حليوه وتمشي بي جَهلها

وتتقصّد مشي الأصلة

وأنا الفجغوني بي عَدلة

أنا اليادوب في دنيا الريد

مناي يا رب سلام في الإيد

عيونك زي عيون الصيد

كُبار زي خروف العيد

تكهربي بيها خلق الله

ونوعي ده عاد جنونو يزيد

وأقول يا رب تسلّم لي أو ساكت

تأشّر لي، وكان غمزت ده يوم العيد

وعينيك طالعا بينها طوّاف

لا الكبكابة لا الرجّاف

تقول رشّوني بي البفباف

يجيني رعاف

وأقعد ألف، عيوني ترِف

وأقول أكيد ده أثر فطور الفول

لمنّ تضحكي في نُكته

التقول لبعوني بي شنطة

وأكب فوق العصير شطّة

وأقرطع ما أسيب نُقطة

وأقول "يا سلام عصير لُقطة"

وإنتِ تقولي"بالغت وشربت الشطّة يا إنتَ"

مالها الشطّة، ما شربات عصير كُفته

عصير جركان من الدُكّان

يترشّه في صحن فتّة

ما مهم شرابي الشطة

والمهم الكلمة "بالغت "

و "شربت الشطّة يا إنتَ"

بوووووبي

بووووووبي


احيييييييييييينا!

أحي أنا ! ويا بختنا ! ويا حظّنا!

وأحي أنا!

قالوا في تعليمة في حيّنا

اتلمن أُمات عيون فيهن هَنا

وأُمات جضوم حديهن هِنا

سيقاناً زي القَنا ..

والله أخير حقاتي أنا!

ديل كمان منو الجابوم هِنا!؟

وبدت التعليمة ..

يا بِنيّة يلاّ .. فرفشي وما تختشي

"أدوك فلّة؟" نحمد الله

"أبوكي في؟" متوفّي!

"ماما في؟" ما بتقول شي!

"أخوك في؟" ده لي شنو، ما بسو شي!

وإظنّك كمان بتكفّتي!

"كلبكم في؟" ما بعضّي!

هو كيف يعضّي..

هو زاتو من عمايلك يا فلانة

عقلو منّو طشّ فرّ

بقى لا بفرز الجوّة جوّة ،

لا بعرف البرّ برّة

هو زاتو استغفر الله

وسط كلاب الحِلّة ليهو زِلّه

اتلمّوا ليو كلاب الحِلّّة

يا بوبي "هَو" بي الجنبة دي!

ويا بوبي "هَو" بي الجنبة دي!

واحنا بنقول يا بوبي لأ ، حبّة إختشي

لو إنت سِتّك ما بتختشي

إنت إختشي

يا بوبي "هَو" أهما شي

وا خسارة مجتمعنا

وا خسارتك يا قيمنا

والما بقول "بي الجنبة دي"

هم فقط فيهم أملنا

ويلاّ أكبر يا أملنا

ويلاّ فرهد يا أملنا

يا طيبه

يا طبيبة

يا اللي ريدك فيني طبعة .... يا المكسرة فيني ضلعة
يا البجيك في الجامعة دايش .... يوم خميس ألقاه جمعة

يوم أشوفك ... قلبي ينتف .... عرقي ينزف
وابقى اشوفك سبعة سبعة
" أصلو ريدك جاني فجأة " .... وأدى لي صنقوري كبعة

****
يا طبيبة ... يلا شيلي القرقريبة
ويلا عوسي قليبي كسرة
ويلا دنكلي منو لقمة .... والعبيبا

عل بس شيليها مرة .... وابلعيها كالجاتوه
خليهو يسأل جوة يسأل .... والبيسأل ما بتوه
ولما جات المعدة تهضم .... قيل مهلاً اتركوه
أنه لا يطلب شيئاً
إنه قلبُ ُ متيم .... جاء يسأل عن أخوه

*******
قد سألتك لا تجافي .... إنه حب خرافي
ما بسيبك .... كان بترضي وكان تخافي
ما بسيبك كان رضيتي وكان أبيتي
كان وقعتي .... وكان جريتي
كان عقب طلعتي زيتي

ما بسيبك .... كان خلطتي الأمة جملة
كان طلبتي المهر عملة
وإن طلقتي علي نملة

ما بفوتك إنت املي
كان بترضي وكان تملي
ما بفوتك إنت للي

إنتي أقري .... وكل معلومة بتفيدك
يا حلاوة المايكروبايو .... جاري في موية وريدك
كل جرثومة بتريدك .... صارو هيلك من عبيدك
وإنتي للباثولوجي تقري .... أصلو شيتاً دمو بقري
علة جنبك يبقى ساهل .... وفيهو تجري

******
وإنتي يا أشطر طبيبة .... يلا شرحي فيني حلي
فرتقي الجواي وسلي

تلقي روحي مناها ريدك
والعلاج جاهز في إيدك

ماهو كم كبسولة "فاليوم"
إسبرين أو كان يورانيوم

العلاج جاهز في إيدك من سنين
العلاج يا انتي آخذ حقنة حُب أو حبتين
من عيونك .... من كلامك .... كلو ريحة بنسلين
واشفى من كل المواجع .... وأبقى زين

ولاد مايعين

ولاد مايعين
ولاد صايعين
قميص رقاش
وقاش حشاش
جسيم ناعم
ممسح ديمة بالفازلين
وحس مخفوض ولين ..لين
حناكيش والله .. ما ناقشين
بياكلوا الجبنه بالبيرجر
والمايونيز ملخبط فيهو حب التين
معلق جدول التسمين
ووكت ما يجوك ..متلمين
تقيف محتار..
تقول يا ناس
ديلا رجال..؟ ولا عوين.؟
هه يا الخيبه.. وكنت امل
معشش في قلوب اهلك
وزي المويه ليك راجيين
طلعت فشوش...
دهب مغشوش..
وما بتنفع..
لا بجنيه..لا طراده ..لا ملين!
منو القال ليك دروب العزه
كان ركبوها بالفيسبا
والبازوكه والفازلين..
منو القال ليك سيوف النصر
كانت عند ولاد لامعين؟
اكان فراسا ركبو الخيل
وصنعو العز
لبست الليله انت الجينز
ركبت البنز
تدور مكنه بالبنزين
وبعد دا ..خسرت الحرب
وجيت راجع مع الفاشلين
منو البسمع كلام مليان
لما يقول:
الشعب العربي وين؟
الغضب العربي وين؟
وين الملايين ؟؟؟
ملايين كان وجودا زمان
لكن صفر في دا الحين
ملايين كان صداها زمان
نعيق البوم فى دا الحين
ملايين كانو فوق في العرش
ووقعوا الليله جوه الطين
من المحيط وللخليج
ملايين كلهم فاشلين
فرد غنيه لي جاكسون
ملايين كلهم راقصين
فرد طلقه من صهيون
ملايين كلهم لابدين
ملايين والله ما نافعين
منو البيرجع التاريخ
لمن كانت اسبانيا
معقل وساحه للفاتحين
منو البيصحى عين جالوت؟؟
بعد ما مات صلاح الدين
منو البقطع رحط القدس؟؟
عروس بت عز
ويا داب في عمر عشرين
وبرضو تقول شباب عرب؟؟
اصح نقول شباب ضائع
مشتت وفي قيود و سجين
لكن يا ناس بقولو كلام
تعالوا ننضف افكارنا
نحارب الجور
نحارب الردة والأثام
نفكر في عروبتنا
نخطط نمشي لي قدام
وبعد اليوم فيا جوليا
ويا ام عزين .. ويا الهام
حلفنا نجدل العملاء
وكل صهيونى ابقى حطام
وتبقي العزه عربيه
تعانق في سمانا غمام

الزمن الضائع

الزمن الضائع


متين يا الله ألم الفكه
أجيب الشيلة واسوي الشبكه
وأمي تزغرد بي طول صوتها
وأنا مبسوط وظابط الشكة
هدومي معطنة بالأرياح
ريحة الخمرة وريحة الدلكة
واطبع للعيزومة كروت
حاشاها الما زي كرت البنزين
جميله زاهية في ورق التوت
وتحت الإمضاء مشكورين
لأنها لحظة ما بتفوت
وإلا تكونوا مبسوطين
ويجوا الأولاد بوجوهاً نادية
يقشوا الفسحة الواسعة وهادية
نرًكب فيها الصيونات
ونعمل حفلة بود البادية
ولازمن حفلة تكون صباحي
أشفي غليلي وأداوي جراحي
من زمن العذابة الأغبر
السًود عيشتي وزاد لنواحي
أفك القيد من قلبي وأغني
حبيب الروح وغني يا صاحي
وفي العصرية نمرق سيرة
خلوق منتظمة ماشة مسيرة
زي صف دكانأً ناصية
فيه سجاير بالتسعيرة
بناتنا يغنن مبسوطات
دور بينا البلد ده
يلفن يدورن العربات
ولمن أصل بالسيف اتقدم
زي الفارس ماشي ملجم
وشي بينضح لمعه ونضرة
قميصي نضيف وماه مجلبط
بملاح خدره
أهز في البنوت بي سيفي
وابخبخ فيهن لبن البدرة
وفجأة يدق صوت الدلوكة
وتبقى الناس بالجد مربوكة
واحدة تصفق واحدة تزغرد
وواحدةتلوك في لبان بازوكة
جابوا عروسي وبدت الوقفة
سرحت بعيد في حق القفة
جابت قون بي رقة وخفة
ما اتجرست كلا وحاشا
الا هناك واقفين شماشة
قالوا اكيد شارب حرباشة
زعلت شديد وغلبني اللعب
لانو كلامن كلو كضب
قاموا اصحابي بصوت عالي
يا عبد الله اطلع بره إشاعة إشاعة
وحتماً يوم لي أمك عايد
قونها حقيقي ما اوف صايد
صوت أصحابي أثر فوقي
بحركة ذكية جبت القون
وانا والحلوة بقينا درون
وفجأة أضفت الهدف الثاني
وغمر الساحة فرح رباني
مرقوا اصحابي يكوركوا ويهتفوا
فاتوا الفسحة وسدوا الشارع
صوتهم طاغي ظاهر وطالع
يا عبد الله هايل ورايع
جبت القون في الزمن الضايع

دنيا غريبه

دنيا غريبة


ناس ضايقاها ماكنتوش
وناس دافساها صحنين بوش
ناس نادوها ناريمان نهى وإيمان
نزار هيثم أسامي رشوش
وناس نادوها يا كلتوم ويا فطوم
وود بعشوم أبو طربوش أسامي بروش
ناس في الحب بتدخل توش
بدون تقديم بدون تلميح معاها قروش
شبح موديل سنة ألفين بيملى الحوش
وناس بتريد بكاها يزيد وما بتوصل
دوام يدوها بالشاكوش
عشان تعبان مفلس تب ما عندو ماكنتوش
وتسمع لب لب لب
وراسو يدوش ويبقى عموش
يقولوا عليهو شهيد في الحب ومات مغشوش
وحالي البي أصبح كيف
ده من شفتك غشاني خريف
مطر من جسمي نازل شو
ويوم سيرتك يجيبوها
أبقى أخاف أكون رجاف
بدل رفدور أرش بف باف
قميصي الساوي لي غلبة
مسكتو لبستو بالقلبة
أدور أنضم أتمتم زين
أمرق الكلمة من علبة
واتلخبط
كراع جزمة واعين التانية ألقى شبط
وأكون ملخوم ..
أشوف سنير .. أقول برلوم
أمش شمبات .. أقول أم دوم
أشوف شندي .. أقول خرطوم
أقلب الحال .. ليلي سهر .. صباحي أنوم
واحلم يوم
تكوني معاي ونطلع في مكاناً هاي
تشربي كولا واقعد ساي
أتوه واسرح وانم دوباي
وا أسفاي وا أسفاي
على قلبي الصبح بكاي
وشن بنسوي لما نشوف قمر ضواي
يطلق النار يشع جواي
ويبقى مناي .. أعاين ليك صباح ومسا
واجر السبحة أقول مدحة
سراي سراي
مناي ألقاك يا السمحة
مناي تجودي بي عينيك قد لمحة
ولمن تلبسي الطرحة .. تصاب معدتنا بالقرحة
ويجربوا فينا كل علاج :
هستامين .. كلودكوين
دة لا ينفعنا إنتستين
ولا يشفينا دربكينين
وما عارفين إنو علاجنا كافلجين
وكافلجين علاج لكل مرض خطري
علاج للبشري والبطري
وأشوف قدري
أكان حبيت وشاع خبري
أكان كفت الهموم كفري
وقبل أموت .. أقول كلمات
أوصي بدفني في الأحفاد
ويبقى فراشي في شمبات

ايكون ده شنو

ايكون ده شنو ؟؟؟


هو زى طالع
وما طالع
وزى واسع
وما واسع
وزي واقع
وما .. لا اظن واقع
إكون دا بنطلون شافع !!؟؟
إكون دا شنو؟؟
إكون لابساه بالمقلوب؟
إكون نص توب؟
هه يا المتخرجين يا دوب..!
إكون دا الروب؟
إكون دا شنو ..؟
كيف يا شاب
إكون شراب..؟
الشراب تحت ما فوق
إكون دا بنطلون مشنوق؟
حاجة عجيبة مالية السوق
إكون طاقية ممطوطة؟
إكون فوطة ...؟
غايتو عمل جنس جوطة!
إكون دا شنو...؟
إكون ماكسي ..؟
إكون عراقي بالعكسي؟
غايتو يا ناس جنس لبسه
تخلى الزول اموت هسي
إكون دا شنو..؟؟
ناس قالوا إكون فركه!
وناس قالوا
إكون باقيهو
واقع منو في السكه!!!
وواحد قال:
إكون سروال بدون تكه!!!
دي ما شبكه
إكون دا شنو؟؟؟
إكون دا بنطلون نص كم
إكون دا ردا وعندو جضم
إكون بى كم ؟؟
إكون دى بلوزة مجروره؟
إكون دي ملايه مفروره؟
ولا اكون لبس كوره!؟
دخلو موضه كندوره
دا برمودا .. دا برمودا
امانه وقعتك سودا
لبستي الليله برموادا؟؟
بكره تجينا بالشراب
وبرضو تقولي لي موضه

خاص هيئة حلمنتيش

نـــــــــــــــــــــــــدى



قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!

ما دام هي ما راعت شعورك

مادام هي ماراعت شعورك
حاتم حسن الدابي


مادام هى ما راعت شعورك ولا ضميرا هى استحى

أنساها والبكا مابيفيد قشقش دموعك وأمسحا

كلمنى شن وداك قبيل تظهر مشاعرك تفضحا

خليت حى السوق رياض يانعة وزهورا مفتحة

طولت إيدك لى قطوف زهرة وغميسة مسارحا

زى ما هى عاشقة الإغتراب برضو أنت عاشق ملمحا

ما كنت يا مظلوم دوام دايماً تشكرا تمدحا

وما ترضى لو كان بالغلط بى كلمة انسان يجرحا

ما كت فوق كل البنات تسرد محاسنا تشرحا

كانت عواطف إنسان ضعيف ساكت جناحى مجنحا

إن شاء الله منها تتعظ تكون عظات تتوشحا

كانت حساباتك غلط فى القسمة والضرب اتمحا

اتأنى فى جبر الكسور براحة أجمعا وأطرحا

وآخر شى كان تعلرف براك حتى الغرام بقى مصلحة

بت حوة يا مظلوم بقت بالمال عقولا ملقحة

يا ريت قلوبنا الناس بعد ما تحب تخش المشرحة

يبدو المكامن فى القلوب كيف الشرايين تنضحا

يتراجع الأخدو اللسان صح والله زى ضل الضحى

مغرورة ما دارت سكون بلدن شقاوة ودردحة

لا تمشى تنزل بى تحت لا حتى أرضك تنقحا

لا بوغة لا موية شراب لا واطة ماها مصلحة

لا شلت للمحرات فطور لا شتلة ماها مصفحة

كانت قبيل طمعانة فيك فارسن جيوبو متمسحة

دايراكا يوم جيت للعرس نار الله فى الناس تقدحا

الشيلة بالشنط الكبار مقفولة راقدة مبطحة

فى الحلى والناس دار تشوف راجين متين تجى تفتحا

وكان بالا فى شهر العسل طول الزمن ما يبرحا

ترحل معاك لى بيت كبير موكيت وحيطو مسلحة

عربيتك الملك الحلال ..جلد النمر والملفحة

بوتوجاز مولع وديب فريزر وأب رموت والمروحة

تسرق مناها قبل يتم وكل المشاعر تضبحا

ويا جعفر الحياه مدرسة ودايما مقررا فى الصحى

ممكن نعينك فى الدروس لو إنت غلبك تشرحا

وأعرف بأنو أول درس الزول بياكل المقدحا

الجابريه خاص حميد

محمد الحسن حسن سالم (حميد)

فجأة يدوي مكبر صوت
قال الريس مار بي فوقنا
كان ضحوية ... وكنّا نسنّد في المحروت
إن شغلتنا برا ماروقنا
فكّينالو حبل واسوقنا
وإنماسكنا يطمّن روقنا
قمنا جميع الحلة مرقنا .. البيشوفنا يقول وا شوقنا
كان ضحوية .. وكانت عين شمش الله قوية
وكان الريس في عربية .. واقف طولو تحت شمشية
هللنالو وهلجنالو .. ولوحنالن بالطورية
فرّ عبايتو وهزّ عصايتو .. وهزّو بنادقن الضابطية
صفقنالن صفقة قوية
زغردنالن .. وهّدن عندنا خمسة دقائق
قدمنالو كتاب الله درقة وسيف .. تبروقة هدية
قفة تمودة .. وفاس دهبية
وكنا قبل بيّتنا النية
وبين بنتين علّينا اليافطة .. اليافطة ام زيق الدمورية
وانعبينا هتافاً واحد :
(الجابرية تحي الثورة ..
دايرين بوسطة ومدرسة وسطى
والشفخانة وسوق منضبطة)
روح باسم .. قام خاطبنا بنهج الثورة الصارم وحازم
أمّن لازم من شفخانة والتعمير بالعون الذاتي
أمّن لازم من شفخانة ومدرسة وسطى
والتعمير بالعون الذاتي .. إلا البوسطة دي ينظر فيها
اما السوق .. السوق منضبطة
وبالتأكيد .. للتجار الأسعار واضحة
للمستهلك باينة وواضحة .. وإن جاملتوهن تبقى الغلطة
إنكيفنا .. رفعنا إيدينا وهزيناهن بالتأييد :
(لا تفريط في قوت الشعب ..
سحقاً سحقاً للرجعية
الجابرية ضراع الثورة ..
بالإنتاج حا نبني بلدنا)
وكانوا في جيهة ونحنا في جيهة
هُن إنهببو بالكابات .. وما همانا الصيف وعرقنا
فات الريس وانفرتقنا
انفرقنا على الجابرية .. كلنا ننضم وما صدقنا
بالجابرية تجيها البوسطة
الشفخانة ومدرسة وسطى
قلنا يا ريت لو زارنا فطور
وانحزمنا ضبحنا التور
كنا اقلاّ ضمنّا النور
أو ياريت لو زدنا الصفقة وعاش .. ويسقط ويوية اليوية
كنا أقلاّ ضمنا الموية
كنا بننضم بي إيدينا .. (ده أحسن ريس مرّ علينا)
من الله خلقنا وشُفنا خلقنا .. ده أول ريس ذاتو يجينا
وكونه يجينا يقنّب بيننا .. يشوف البينا .. كفاية علينا
آ الجابرية يجوكي الحكماء
آ الجابرية تواصلي البرة
آ الجابرية ولادك تقرا
نمشي الليلة نصاقر الرادي
نمشي الليلي نحضر النشرة
كنا نرجع في كلماتو
إلا في ستة من الجابرية .. قالوا تعبكم خارم بارم
يذهب حاكم خلف الحاكم
والجابرية تظل في حالا .. حلة حياتها تسر الظالم
صدفة تموِّت وتحيا اطفالا
لا جلكوز لا تقرا رسالة .. لا راح يطلع منها عالم
ما بينصفكن إلاّ ضراعكن .. عبّو ضراعكم يا رجّالة
وخلو بصركن دغري وسالم
حكم العسكر ما بينشكّر
كلّه درادر .. كلّو مظالم
ما هو قدركن تحيو همالة
مقصودين والقاصد فاهم
وقاطعناهن .. حاربناهن
تمّيناها البينا شتائم
حالَتُن احسن ناس في الحلة
إيدا نزيهة .. عقولا نبيهة
وقلنا يفرزوا وقلنا فواهم
يطلعوا فالصو وقطاع رحمة
عينة شماتة وخارم بارم
وإحنا القصّر واثقين فيها
وقطعناها معاهم جملة وقاطعناهن
وصاروا في جيهة ونحنا في جيهة
مرّ اليوم .. الشهر .. الحول .. والجابرية بلد في حالا
قواسي شيوخا .. مآسي أطفالا
عذابات ناسا .. حلة تعافر ومقطوع راسا
من القُرّاصة ولي قَرّاصا .. حلة تعافر ومقطوع راسا
عشرين كيلو من الجابرية .. صبية تساسق بي كرّاسا
آ الجابرية عذابك فينا .. لاكي القرية ولا كي مدينة
وفد في وفد يقوم ويجينا
عايزة دراسة واجراءات
عون امريكي قرض ألماني وحاحاءات
وحد ما نشوفلنا مسعولين .. مسعولين أو خواجات
نجري نلم قدحاتنا عليها .. ترطن ترجع زي ما جات
الشفخانة وعايزة دراسة .. ومدرسة وسطى وإجراءات
لما المطوحة طالت بينا .. إنذكرنا العون الذاتي
إنحزمنا وقلنا برانا .. نبني نقوم لي الشفخانة
طوبة في طوبة .. وقومناها
ويوما التمت جات السلطة عربي وعجمي ومرة رطانة
الشفخانة ده ما هو بُكانا
هاك يا تلتلة هاك يا ورطة
وغصباً عنك يا الجابرية .. غصباً عنك يا أحوالا
وحمياتا وموت أطفالا
وحمرة عينكن يا رجالة
قوة إنشكت بيننا النقطة
وفي الجابرية تحوم الشرطة
هووا كلاب الحلة وصنّوا
ومن يوم داك ما شفنا الستة
وفد الحلة السافر جانا .. قال إنأكد شاف الخرطة
ونحن بدل نبني الشفخانة .. إنسرعنا بنينا النقطة
الشفخانة ده ماهو بُكانا .. وكانت غلطة إنقلبت ورطة
إنفاهمتو مع المسعول ؟؟؟ إنفاهمنا مع المسعول
وقال حا يقوِّم للشفخانة ؟؟؟ أو يدفع لنا حق الطين
مع إنو النقطة وكت بُنيانا قومتوها بلا زنزانة
في تقديرنا كلام معقول .. كون يقوِّم لي الشفخانة
حاجة تضحك .. محرقة ... هانة
انتو تقيفو مع المسعول
واللا الكنتو تقيفوا معانا
وقلنا وخفنا نصد الجاي .. خفنا نفشل باقي الخطة
فضلت جايي .. هي فضلت خطة
وانفرقنا على الجابرية .. وانعلقنا تجينا البوسطة
ومدرسة وسطى والشفخانة قصاد النقطة
تجينا .. تجينا .. تجينا ... تجينا
وما إنيقنّا ..
ناس إنولدوا وواحدين ماتو
لمّا الريس ودوشتو فاتو
فاتو العسكر .. وجو الأحزاب
ونفس الحلم إنجدد تاني
نفس الوجع الراح تحتاني
حتّلناهو جمعنا رفاتو
نفس اليافطة في نفس الحتة :
(الجابرية تحيي الشعب
دايرين بوسطة ومدرسة وسطى
والشفخانة بديل النقطة)
فينا إنكلم شيخ الحلة
صنقع .. دنقر .. سلم وصلّى
وكانوا كلاب الحلة بهووا
وقال كلمتنا تكون فد واحدي .. شان ننقوى ما ننزلا
شان مشهادنا وعدل الحلة .. نحن نفوِّز حاج البلة
وزاد هوهيو كلُّوب الحلة
وبعضنا عارض .. ردّ وفاوض
شيخ الحلة القام حمسنا .. بلة الحمش الزول ما دلة
أول فاهم وقبلوا ولدنا .. وراح يحكملنا بي شرع الله
هو .. هو .. هووا كلابنا .. لمّا استغرب شيخ الحلة
وانفرقنا على الجابرية
انفرقنا ويوم الليلة إنجمعنا عموم الحلة
شيخ الحلة قرا القرآن .. صنّوا كلاب الحلة وهووا
وبلة إنقدم سمّ وصلّى .. صنّوا شوية .. وهو هو هووا
وقام إنكلم .. وعند إنكلم كان بينقسم
النسوان الجاي تنهامز
الصبيان الجاي تنغامز
وكان بينبسّم
وكانو كلاب الحلة بهووا
شكّر وشتّم .. هو هو هووا
حلّل وحرّم .. هو هو هووا
هود سابنا .. وفات ودانا الآخرة وجابنا
قاطعناهو وصوتو إنوطّا
اصلاً واطي وتاني إنوطّا
دايرين بوسطة ومدرسة وسطى .. والشفخانة بديل النقطة
التموين وزيادة الحصة .. كهربا موية وسوق منضبطة
بلة انبرع وقال ببنيهن .. هو هو هووا كلابنا واستغربنا قبل بالمرة
لامن نهتف ترسى كلابنا .. لامن ينضم بلة يهووا
بلة انحمس وقال بسقينا .. وبي إذن الله يضوّى الحلة
هتف الشيخ وهتفنا وراهو :
لا تبديل لشرع الله .. هو هو هو
ولا ولاء لغير الله .. طاء طاء طاء
عاش الفارس امل الحلة .. بلة الطاهر علي حسب الله
بلة الطاهر علي حسب الله
كبر فينا وقام إندلّى
ولسة كلاب الحلة بهووا .. وزاد هوهيون
كبشاً ضاع .. من مرحاتو وفاقع باع
بلة الطاهر على بلاّع
كانت أول مرة نشوفو .. يومنا الشفنا اللاندكروزر
اللونا مخطط .. والبنوت الراسا مربط .. التنبوبر
لوري مكوش أقمشة .. سكر .. حتى الفوفو
وعتِّل تؤجر .. وامحى المنكر بي معروفو
بلة الطاهر علي بلاع .. اكرمناهو .. اكرمنا ضيوفو
يشبة مَرَتْ الشيخ في وشيو .. لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برّانا نغير قولنا
إلا كبار الحلة بقولوا .. بلة ده هولنا .. بلة ده أصلاً من ها الحلة
إلا إنربّى وقرا في الخارج .. ورافق جدو الفتح التركي
وسيرتو انقطعت في المهدية
ومرة سمعنا استوطن برة .. وقام إنزوج من مصرية
جابت علي .. علي جاب الطاهر .. حتى الطاهر خلّف بلة
جدو اشيطن اخير ما لانا
وبلة انسركن جاء وبرانا
أقرب واحد لي حاج بلة .. أقرب واحد شيخ الحلة
بلة الطاهر علي حسب الله
أول مرة يصلي معانا .. قدمناهو وقام أمانا
صوتو مرخرخ لمن يقرا
يقرا ويقطع زي البطرا
لامن يركع جسمو متختخ
عند السجدة سجودو ممخمخ
شيخ الحلة يقول عن امرو
زول غرقان في الدين من عمرو
ستة سنين قابض في جمرو
ما فكاهو طريق الله .. صوتو وِدِرْ من كترة ذكرو
وجسمو التختخو شدة صبرو
قلنا حقيقة .. الزول بي عذرو
وفتنا قناعة .. ومانا قناعة
إلا الستة الصارو جماعة
قالوا ده زول ترباتو مياعة
ما بيشبهنا ورفعو وضاعة
زول زول دنيا ودنيا صياعة
قصة دينة ودقنو بضاعة
واحنا اصواتنا .. يا إما مضاعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ومدرسة وسطى ..
والشفخانة وموية نور
كونو يجينا ده ما منظور
وزيادة الحصة .. الزول زول سوق .. زول من جدو يلف ويدور
ويا الجابرية ده مطلب عادل كونو تطيبي تكاتبي وتقري
ضوك يشلع .. دشك يرشع .. واحنا دفعنا ضرائب بدري
ولسه بندفع .. لسع .. لسع
بس يا جماعة .. إن قضينا حياتنا تباعة .. وصنّيت رادي
وقول في الفاضي .. خوفنا نقوم ما نلقى أراضي
ونحنا أساسنا وراسنا زراعة
والجابرية إن دايرة شفاعة
ما بيشفع لها إلا ضراعا
عبو ضراعكن يا رجالة .. وخلو بصركم دغري وسالم
عبو ضراعكن يا رجالة
شيخ الحلة أضلّ وضلّ
واسألوا بُرّة وحاجة السُّرة
عن التيبان وحكاية الصُّرة
اللمّ البلة وشيخ الحلة مع شرع الله
والناس ديل العارضين برة
جرّبناهن كمين مرة
تاني نجرب شان ننضرّ
ويا الجابرية معاكي سلامة .. كان الفوقك ما فات مرة
كان كلماتن ناشف ريقا .. وكانت مرة
إلا حقيقة .. غلبنا نطيقا .. وين في الصرمة وقل القدرة
سكتناهن بس ما صنّوا .. وقاطعناهن تاني المرة
وبلة طريق الناس وخيارا
فوزناهو وجانا زيارة
كرمنالو التور وعرضنا .. وخليناهن برة الدارة
دايرين بوسطة ومدرسة وسطى
موية وكهربا والشفخانة .. زيادة الحصة وسوق منضبطة
وصدوا كلاب الحلة يهووا .. ينضم بلة يهووا معاهو
نهتف نحنا يزيد هوهيوا
مافي شهر جاتنا الخرسانة .. جان السيخ .. الطوب .. الرملة
جا الأسمنتى شكارة شكارة
عديناهن ألف شكارة
كرمنالن خيراً جانا
وكل كلاب الحلة الهوّن .. طفشنالن بالجبخانة
وفي صنانة تدودي الزانة
انغالطنا كتير في بعضنا .. أولى المدرسة ؟ واللا البوسطة
أولى المدرسة والشفخانة .. الشفخانة محل النقطة
ونان النقطة .. نحنا أهالي .. وودنا صافي
بينا معزة جرائم مافي
وما بنحتاج لي شرطة ونقطة
تحصل علة .. في شيخ الحلة وناس السلطة
نحنا الإيدنا بنت لي النقطة .. والجيرنا زبالة اطيانا
ناس السلطة إن دارو النقطة .. شي بُكان أرض الشفخانة
وما طالبانا خلاف زنزانة
مدرسة بوسطة
ستين طلبة وعشرين اوسطى .. شغالين ما ملو سخانة
مدرسة بوسطة .. وقلنا غُنانا
يا الجابرية .. الله أدانا
حاج البلة المبروك جانا
جاب المدرسة .. جاب البوسطة .. وبكرة يرجع للشفخانة
نصحى نصابح موية الدُّش .. نمسى نلاقي الضو عمانا
مدرسة بوسطة .. مدرسة بوسطة
وتاوق .. تاوق .. تاوق ..تاوق .. تخ
وفجأة تبين في السطح الخرطة .. وكب تنتصب الميضنة أخ
أخ من حظك يا الجابرية
سابع جامع بالجبرية
وصدوا كلاب الحلة يهووا .. أخ يا الناس الحالُن قطّ
هو .. هو .. هو .. هووووا
في البلدان الحظها فاجع
بق يا الصاح الماك متراجع
حرِّق دبش الدنيا الغلطة
بق وانفرق في الجابرية .. بق في ارحامنا في شافع نافع
ترفعوا امو في حيطة الجامع
يكتب يسقط دجل السلطة .. يسقط بلة وشيخنا التابع
وكشفناك وكشفنا الخطة ..
تحيا كلابك يا الجابرية .. يحيا ضراع الزيتُن طالع
غُلب يصارع مر الواقع
يحيا ترابك والطورية .. الجابرية تحيي الشارع
دايرين كهرباء دايرين موية .. دايرين سلطة وسوق منضبطة
دايرين هسة زيادة الحصة .. الشفخانة بديل النقطة
دايرين بوسطة ومدرسة وسطى .

بيت الجمـــــــــــــــــــــــيع
و الجالوص من عمق التراث السودانى القديم و العتيق و هى احد المسميات المندثرة فى هذا الوقت الضائع و عادة ما يكون بيت الجالوص بيت يضم الاسرة الكبييييييييرة و يسع الجميع و هو بارد صيفا و دافى شتاء
وهذا هو الرابط
http://www.facebook.com/groups.php?ref=sb#/group.php?gid=97782084657

حــــــــــبــــــــــــوبــــــــــــــــــــه

حــــــــــبــــــــــــوبــــــــــــــــــــه

حبوبه يا مرة العدل حاشاكي ما لمتك انا
أنا جايي لى سراً قديم دافننو في بجبوج هنا
هاكي الجواب أقريهو بي تاريخ متين
شوفيني عديت كم زمن حايم أفتش في كنين

كل البنات الكانو في حلة سعد
لاقني راجعات العصير جابن جريد ما عندو حد
جارات مسابقات العجاج خايفات من الهوا والرعد
لكن كنين ما شفتها لا يبقى راحت للأبد
والحق كنين لا ريشه بتشيلا الهبوب لا شالا سحار ود حمد

أنا متهم ناساً كُبار وبالذات كمان شيخ البلد
أنا متهم كل المشايخ من طرف ضايف على ورق اتهاماتي العُمد
أنا ضد تقاليداً بقت في جيدنا حبلاً من مسد

وكل الظروف الفرتقت عش حبنا
هجرت أمانينا الزمان لامِن عليها الطين بنا

يا صمد ساقتنا ما لاقيت كنين
ارأف على حالتنا ما بيناتنا طين
همك مع طلب التمر وأنا في كنين

ظنيتا في درس العصر باريت دريب المدرسه
صاقر ولاد جابر براي لامن علي الليل مسا
درَّجت ماشي على البيوت أكلت فؤادي الوسوسا
سويتا قيرا مع البطان غنينا ود الزمزمي
يا شيخ عليك الله تجي يا زول تعال بي عندنا
إن درت بقسم لك عشاي وإن درت نضبح عنزنا
حاسبنا كورك يا ولاد ما تمشوا سيبوا الشيطنه

قلنالو مبروك يا فلان ضابح أماني مع الخروف
جبنا الأباريق من نهار غسَّلنا إيدين الضيوف

قال ليَّ إنت ولد منو يا إبني لوحك في شنو ؟؟
جاوبتو والإبريق فضى أنا شافع الزمن المضى
أنا ضد تقاليداً عجاف رهنت حياة الناس هنا
حمَّر لي بي عيناً لهب طنطنت ما عارف خطاي
لزاني قالي قليل أدب إترتع وقعت على قفاي

وأديتوا في المليان شعر كلماتي فوقو مدوزنه
صيَّحت بي آخر حنين يا شافعة إنتي مشيتي وين
شالك حمار النوم متين أنا في رجاك كمين سنه
فتشت بعدك في الودع كايس وجيهك ما اتلقى
طوطحت معلاق الفكر في خاطري صورة معلقه
قدام عيوني اندلدلت تشبه حبال المشنقه
خلتني عايش في شرود دايماً محدق في الفنا

مرحاتنا من زمن المجد ما شفت فوقن قينقرد
طولنا راجين الرهد يا قوزنا ليه بحرك شرد
رقدت مراكب في اليباس قلَّعت خايد باللباس
عيشك على مر الزمن مرمول ضنا

زارعِك أماني على الجروف نامت بامنيتي الظروف
من حجوة جمَّعت الحروف عديتا طلعت بالألوف

دونت إسمك بالعريض فاطني أم حجل يا بتنا

هبت نسايم الليل تسر دبت على ذكراك دبيب
مريت بي قبل العصر والشمس مالت للمغيب

سامع بنات يتحدثن بارن خطايا يوسوسن
يومِن علي ويضحكن حصنت نفسي وفتهن
عصرن علي يتكلمن رديت عليهن طنطنا

رغم الفراق البينا طال صورة عيونك في الخيال
أرفع على دارك خطاي القاها غاصت في الرمال
عايش تحت إيدك سنين مطرق سنط شوقك مَتين
ضارب على مزمار حزين يوماتي متواتيك غنا

يا قمرة ارمي السنسني واجم علي زمناً دني
شوفيلي كيف أحوالا كيف قوليلا بالشوق منحني
عاينيلا لا غاية الليدين حادّاني ولا محنّنا

قطَّع عصب صبري الحنين يا دنيا سعد الغابة وين
شلتيهو فد زول ما بكا محت المشاغل ذكرتو
نبشت قوافي تربتو مدفونة وين يا سرتو
لو ما في زولاً في عقابك يا سعدي ابكيك أنا

ابكيك بكايا علي شليل يوم شالوا تمساح الهموم
عاكف علي ليلاً طويل من طولو ساهر بي النجوم
متمني ارجع زي قبيل طفلاً على الأحضان ينوم
يا دنيا سُب فوقك عديل ما طال خيرك ما بيدوم

أصحاب يمينك في اليسار واصحابك يسارك ميمنة

حبوبه كتري من حجاي حجيني زين لا تنعسي
شايل أحاجيك في غناي شيت الصُغُر ما بيتنسي
يا ريت كنين كانت معاي كانت تقولك ونسي
دايماً محلق في سماي تشكيل قواما الهندسي

راسم على ألواح شقاي لوحات جميلة ملونة


زي زيني قومي على عشاك أكليهو يلاكي المديح
الليلي عند الحاج فلان من بدري نبَّاهُن يصيح

باكر يسير الحاج فجُر أدمع على الخدين تسيل
يمشوبوا خلوة ود بدر يرتاح هناك يبدأ الرحيل

حبوبه يا مرة العدل حاشاكي ما لمتك انا
أنا جايي لى سراً قديم دافننو في بجبوج هنا
هاكي الجواب أقريهو بي تاريخ متين
شوفيني عديت كم زمن حايم أفتش في كنين

كل البنات الكانو في حلة سعد
لاقني راجعات العصير جابن جريد ما عندو حد
جارات مسابقات العجاج خايفات من الهوا والرعد
لكن كنين ما شفتها لا يبقى راحت للأبد
والحق كنين لا ريشه بتشيلا الهبوب لا شالا سحار ود حمد

أنا متهم ناساً كُبار وبالذات كمان شيخ البلد
أنا متهم كل المشايخ من طرف ضايف على ورق اتهاماتي العُمد
أنا ضد تقاليداً بقت في جيدنا حبلاً من مسد

وكل الظروف الفرتقت عش حبنا
هجرت أمانينا الزمان لامِن عليها الطين بنا

يا صمد ساقتنا ما لاقيت كنين
ارأف على حالتنا ما بيناتنا طين
همك مع طلب التمر وأنا في كنين

ظنيتا في درس العصر باريت دريب المدرسه
صاقر ولاد جابر براي لامن علي الليل مسا
درَّجت ماشي على البيوت أكلت فؤادي الوسوسا
سويتا قيرا مع البطان غنينا ود الزمزمي
يا شيخ عليك الله تجي يا زول تعال بي عندنا
إن درت بقسم لك عشاي وإن درت نضبح عنزنا
حاسبنا كورك يا ولاد ما تمشوا سيبوا الشيطنه

قلنالو مبروك يا فلان ضابح أماني مع الخروف
جبنا الأباريق من نهار غسَّلنا إيدين الضيوف

قال ليَّ إنت ولد منو يا إبني لوحك في شنو ؟؟
جاوبتو والإبريق فضى أنا شافع الزمن المضى
أنا ضد تقاليداً عجاف رهنت حياة الناس هنا
حمَّر لي بي عيناً لهب طنطنت ما عارف خطاي
لزاني قالي قليل أدب إترتع وقعت على قفاي

وأديتوا في المليان شعر كلماتي فوقو مدوزنه
صيَّحت بي آخر حنين يا شافعة إنتي مشيتي وين
شالك حمار النوم متين أنا في رجاك كمين سنه
فتشت بعدك في الودع كايس وجيهك ما اتلقى
طوطحت معلاق الفكر في خاطري صورة معلقه
قدام عيوني اندلدلت تشبه حبال المشنقه
خلتني عايش في شرود دايماً محدق في الفنا

مرحاتنا من زمن المجد ما شفت فوقن قينقرد
طولنا راجين الرهد يا قوزنا ليه بحرك شرد
رقدت مراكب في اليباس قلَّعت خايد باللباس
عيشك على مر الزمن مرمول ضنا

زارعِك أماني على الجروف نامت بامنيتي الظروف
من حجوة جمَّعت الحروف عديتا طلعت بالألوف

دونت إسمك بالعريض فاطني أم حجل يا بتنا

هبت نسايم الليل تسر دبت على ذكراك دبيب
مريت بي قبل العصر والشمس مالت للمغيب

سامع بنات يتحدثن بارن خطايا يوسوسن
يومِن علي ويضحكن حصنت نفسي وفتهن
عصرن علي يتكلمن رديت عليهن طنطنا

رغم الفراق البينا طال صورة عيونك في الخيال
أرفع على دارك خطاي القاها غاصت في الرمال
عايش تحت إيدك سنين مطرق سنط شوقك مَتين
ضارب على مزمار حزين يوماتي متواتيك غنا

يا قمرة ارمي السنسني واجم علي زمناً دني
شوفيلي كيف أحوالا كيف قوليلا بالشوق منحني
عاينيلا لا غاية الليدين حادّاني ولا محنّنا

قطَّع عصب صبري الحنين يا دنيا سعد الغابة وين
شلتيهو فد زول ما بكا محت المشاغل ذكرتو
نبشت قوافي تربتو مدفونة وين يا سرتو
لو ما في زولاً في عقابك يا سعدي ابكيك أنا

ابكيك بكايا علي شليل يوم شالوا تمساح الهموم
عاكف علي ليلاً طويل من طولو ساهر بي النجوم
متمني ارجع زي قبيل طفلاً على الأحضان ينوم
يا دنيا سُب فوقك عديل ما طال خيرك ما بيدوم

أصحاب يمينك في اليسار واصحابك يسارك ميمنة

حبوبه كتري من حجاي حجيني زين لا تنعسي
شايل أحاجيك في غناي شيت الصُغُر ما بيتنسي
يا ريت كنين كانت معاي كانت تقولك ونسي
دايماً محلق في سماي تشكيل قواما الهندسي

راسم على ألواح شقاي لوحات جميلة ملونة


زي زيني قومي على عشاك أكليهو يلاكي المديح
الليلي عند الحاج فلان من بدري نبَّاهُن يصيح

باكر يسير الحاج فجُر أدمع على الخدين تسيل
يمشوبوا خلوة ود بدر يرتاح هناك يبدأ الرحيل

حبوبه يا مرة العدل حاشاكي ما لمتك انا
أنا جايي لى سراً قديم دافننو في بجبوج هنا
هاكي الجواب أقريهو بي تاريخ متين
شوفيني عديت كم زمن حايم أفتش في كنين

كل البنات الكانو في حلة سعد
لاقني راجعات العصير جابن جريد ما عندو حد
جارات مسابقات العجاج خايفات من الهوا والرعد
لكن كنين ما شفتها لا يبقى راحت للأبد
والحق كنين لا ريشه بتشيلا الهبوب لا شالا سحار ود حمد

أنا متهم ناساً كُبار وبالذات كمان شيخ البلد
أنا متهم كل المشايخ من طرف ضايف على ورق اتهاماتي العُمد
أنا ضد تقاليداً بقت في جيدنا حبلاً من مسد

وكل الظروف الفرتقت عش حبنا
هجرت أمانينا الزمان لامِن عليها الطين بنا

يا صمد ساقتنا ما لاقيت كنين
ارأف على حالتنا ما بيناتنا طين
همك مع طلب التمر وأنا في كنين

ظنيتا في درس العصر باريت دريب المدرسه
صاقر ولاد جابر براي لامن علي الليل مسا
درَّجت ماشي على البيوت أكلت فؤادي الوسوسا
سويتا قيرا مع البطان غنينا ود الزمزمي
يا شيخ عليك الله تجي يا زول تعال بي عندنا
إن درت بقسم لك عشاي وإن درت نضبح عنزنا
حاسبنا كورك يا ولاد ما تمشوا سيبوا الشيطنه

قلنالو مبروك يا فلان ضابح أماني مع الخروف
جبنا الأباريق من نهار غسَّلنا إيدين الضيوف

قال ليَّ إنت ولد منو يا إبني لوحك في شنو ؟؟
جاوبتو والإبريق فضى أنا شافع الزمن المضى
أنا ضد تقاليداً عجاف رهنت حياة الناس هنا
حمَّر لي بي عيناً لهب طنطنت ما عارف خطاي
لزاني قالي قليل أدب إترتع وقعت على قفاي

وأديتوا في المليان شعر كلماتي فوقو مدوزنه
صيَّحت بي آخر حنين يا شافعة إنتي مشيتي وين
شالك حمار النوم متين أنا في رجاك كمين سنه
فتشت بعدك في الودع كايس وجيهك ما اتلقى
طوطحت معلاق الفكر في خاطري صورة معلقه
قدام عيوني اندلدلت تشبه حبال المشنقه
خلتني عايش في شرود دايماً محدق في الفنا

مرحاتنا من زمن المجد ما شفت فوقن قينقرد
طولنا راجين الرهد يا قوزنا ليه بحرك شرد
رقدت مراكب في اليباس قلَّعت خايد باللباس
عيشك على مر الزمن مرمول ضنا

زارعِك أماني على الجروف نامت بامنيتي الظروف
من حجوة جمَّعت الحروف عديتا طلعت بالألوف

دونت إسمك بالعريض فاطني أم حجل يا بتنا

هبت نسايم الليل تسر دبت على ذكراك دبيب
مريت بي قبل العصر والشمس مالت للمغيب

سامع بنات يتحدثن بارن خطايا يوسوسن
يومِن علي ويضحكن حصنت نفسي وفتهن
عصرن علي يتكلمن رديت عليهن طنطنا

رغم الفراق البينا طال صورة عيونك في الخيال
أرفع على دارك خطاي القاها غاصت في الرمال
عايش تحت إيدك سنين مطرق سنط شوقك مَتين
ضارب على مزمار حزين يوماتي متواتيك غنا

يا قمرة ارمي السنسني واجم علي زمناً دني
شوفيلي كيف أحوالا كيف قوليلا بالشوق منحني
عاينيلا لا غاية الليدين حادّاني ولا محنّنا

قطَّع عصب صبري الحنين يا دنيا سعد الغابة وين
شلتيهو فد زول ما بكا محت المشاغل ذكرتو
نبشت قوافي تربتو مدفونة وين يا سرتو
لو ما في زولاً في عقابك يا سعدي ابكيك أنا

ابكيك بكايا علي شليل يوم شالوا تمساح الهموم
عاكف علي ليلاً طويل من طولو ساهر بي النجوم
متمني ارجع زي قبيل طفلاً على الأحضان ينوم
يا دنيا سُب فوقك عديل ما طال خيرك ما بيدوم

أصحاب يمينك في اليسار واصحابك يسارك ميمنة

حبوبه كتري من حجاي حجيني زين لا تنعسي
شايل أحاجيك في غناي شيت الصُغُر ما بيتنسي
يا ريت كنين كانت معاي كانت تقولك ونسي
دايماً محلق في سماي تشكيل قواما الهندسي

راسم على ألواح شقاي لوحات جميلة ملونة


زي زيني قومي على عشاك أكليهو يلاكي المديح
الليلي عند الحاج فلان من بدري نبَّاهُن يصيح

باكر يسير الحاج فجُر أدمع على الخدين تسيل
يمشوبوا خلوة ود بدر يرتاح هناك يبدأ الرحيل